بشریٰ کی آنکھوں میں امریکی منصب صدارت کا خواب ہے۔وہ مستقبل میں دنیا کے طاقت ترین ملک یونائٹیڈاسٹیٹ آف امریکہ کی صدر بننا چاہتی ہیں۔ اتنا بڑا خواب ان کی آنکھوں میں کیسے آیا؟تو اس سوال کا جواب یہ ہے کہ حالیہ امریکی انتخابات میں 21 سالہ بشریٰ، ریاست الینوائے کے اسکول ڈسٹرکٹ سے بورڈ آف ایجوکیشن کی رکن منتخب ہوئی ہیں۔

اتنی کم عمر میں الیکشن جیتنے والی وہ پہلی مسلم خاتون ہیں اور یہی وجہ ہے کہ انھوں نے وائٹ ہائوس تک پہنچنے کا خواب دیکھ لیاہے۔ وہ اس کامیابی کو وہ اپنی پوری کمیونٹی کیلئے باعث اعزاز سمجھتی ہیں۔ بشریٰ امی والا کا کہنا ہے کہ انہیں حجاب پہننے پر کبھی بھی کسی قسم کی روک ٹوک یا تنقید کا سامنا نہیں کرنا پڑا۔

CBS 2’s Lauren Victory introduces us to two ladies decades apart in political experience, who are both inspiring people of all ages. https://t.co/ZY9HDGcKPV

— CBS Chicago (@cbschicago) March 1, 2021

واضح ہوکہ بشری امی والاکا خاندان ہندوستان کے گجرات کا رہنے والاہے جس نے تقسیم وطن کے وقت پہلے پاکستان ہجرت کیاتھا اور پھرامریکہ میں جابسا۔ حالانکہ بشریٰ کہتی ہیں کہ انہیں پاکستان کی سیاست کے بارے میں زیادہ کچھ معلوم نہیں لیکن پاکستانی وزیراعظم عمران خان کے بارے میں کافی کچھ سناہے۔