لندن میں ہونے والی ایک نیلامی میں برصغیر کے مشہور مسلمان حکمران ٹیپو سلطان کی تلوار ایک کروڑ 40 لاکھ پاؤنڈز میں فروخت ہو گئی ہے۔انڈین نیوز چینل این ڈی ٹی وی کے مطابق نیلامی منعقد کروانے والے ہاؤس بون ہامز نے منگل کو کہا کہ تلوار کی قیمت اندازے کے مقابلے میں سات گنا زیادہ لگی تھی۔
بون ہامز کا کہنا ہے کہ یہ تلوار ٹیپو سلطان کی سب سے اہم تلوار تھی جس سے ان کا خاص تعلق تھا۔
ٹیپو سلطان کو اپنی سلطنت کے دفاع کرنے پر ’ٹائیگر آف میسور‘ کا لقب دیا گیا تھا۔بون ہامز کی ویب سائٹ کے مطابق انہیں راکٹ آرٹلری میں مہارت حاصل تھی اور انہوں نے میسور کو انڈیا کا معاشی گڑھ بنایا تھا۔