پاکستان : مہنگائی میں مزید اضافے کی گھنٹی بجا دی گئی

Story by  ایم فریدی | Posted by  [email protected] | 2 Years ago
پاکستان : مہنگائی میں مزید اضافے کی گھنٹی بجا دی گئی
پاکستان : مہنگائی میں مزید اضافے کی گھنٹی بجا دی گئی

 

 

اسلام آباد:پاکستان میں مصیبتیں کم نہیں ہورہی ہیں ۔ سیاسی اور سماجی ٹکراو کے ساتھ اب مہنگائی کی مار بھی عذاب بن گئی ہے۔ پاکستانی وزارت خزانہ نے عالمی مارکیٹ میں تیل کی قیمت بڑھنے سے مہنگائی میں مزید اضافے سے خبردار کردیا۔

وزارت خزانہ نے رواں مالی سال کے پہلے 3 ماہ کی آؤٹ لُک جاری کر دی جس میں کہا گیا ہےکہ ڈالرکے ریٹ اور موسمیاتی عوامل کے باعث مہنگائی بڑھ رہی ہے، ستمبر میں مہنگائی کی شرح 8.98 فیصد رہی۔

وزارت خزانہ کا کہنا ہےکہ حکومت نے عالمی مارکیٹ میں مہنگائی کا دباؤ عوام کو منتقل نہیں کیا، عالمی مارکیٹ کے جھٹکے مزید نہ لگے تو سالانہ مہنگائی کم ہوسکتی ہے۔ وزارت خزانہ نے مزید کہا کہ رواں مالی سال کی پہلی سہ ماہی میں مالیاتی خسارہ 11 فیصد بڑھ کر 462 ارب روپے ہو گیا۔