پاکستان : مہنگائی اور بیروزگاری میں اضافہ ہوگا۔

Story by  ایم فریدی | Posted by  [email protected] | 2 Years ago
برا وقت جاری ہے اور جاری رہے گا
برا وقت جاری ہے اور جاری رہے گا

 

 

آئی ایم ایف اسلام آباد: عالمی مالیاتی ادارے آئی ایم ایف نے پاکستان کی معیشت پر رپورٹ جاری کردی۔جس میں پاکستان کی مشکلات اور تناو بڑھتا نظر آرہا ہے۔آئی ایم ایف کی رپورٹ میں رواں سال پاکستان کی شرح نمو 1.5 فیصد رہنے کی توقع ظاہر کی گئی ہے اور حکومت نےشرح نمو 2.1 فیصدرہنے کی پیش گوئی کی ہے۔

جب کہ اسٹیٹ بینک نے شرح نمو 3 فیصد رہنے کا امکان ظاہر کیا ہے۔آئی ایم ایف رپورٹ کے مطابق رواں مالی سال مہنگائی اور بیروزگاری میں اضافہ ہوگا اور رواں مالی سال مہنگائی 8.7 فیصد رہنے کا امکان ہے جب کہ حکومت نے مہنگائی 6.5 فیصد تک رہنے کا امکان ظاہر کیا ہے۔ آئی ایم ایف رپورٹ میں کہا گیا ہےکہ پاکستان کاکرنٹ اکاؤنٹ خسارہ 1.5 فیصد رہے گا جب کہ حکومت نے کرنٹ اکاؤنٹ خسارہ 1.6 فیصد رہنے کا اندازہ لگایا ہے۔