سعودی اور ہندوستانی بحری افواج کی مشترکہ مشقیں

سعودی اور ہندوستانی بحری افواج کی مشترکہ بحری مشقیں

awazthevoice.in
Published: 11-08-2021 20:58:00 PM
1 min

جدہ

خلیج عرب کے پانیوں میں مشرقی بحری بیڑے کی نمائندگی کرنے والی رائل سعودی بحری افواج اور ہندوستانی بحری افواج کے درمیان مشترکہ بحری مشقیں شروع کی گئیں۔

یہ مشقیں مشترکہ مشقوں کے نفاذ کے ذریعےعسکری تصورات کو یکجا کرنے اور تجربات کے تبادلے کی کوششوں کا حصہ ہیں۔

سعودی عرب کی رائل نیوی اور ہندوستانی بحریہ کے مابین ہونے والی مشترکہ مشقوں کا مقصد مشترکہ آپریشن کے نفاذ کے دوران کمانڈ ، کنٹرول اور مواصلات کے عمل کی ترقی دینا اور خلیج عرب کے پانیوں میں سیکیورٹی کو مضبوط کرنا ہے۔

مشرقی بحری بیڑے کے کمانڈر ریئر ایڈمرل ماجد بن حزہ القحطانی نے کہا کہ "بحر ہند" مشق سعودی اور ہندوستانی بحری افواج کے درمیان اپنی نوعیت کی پہلی مشق ہے۔

انہوں نے مزید کہا کہ اس مشق کا مقصد بحری آپریشنز کے میدان میں فوجی تعاون کو فروغ دینا، تجربات کا تبادلہ کرنا، فوجی کارروائی ، کمانڈ ، کنٹرول اور مواصلات کے طریقہ کار اور تصورات کو یکجا کرنا ہے۔ (ایجنسی ان پٹ)