ریاض: سعودی عرب میں قانون نافذ کرنے والے ادارے کی ٹیم نے جدہ میں ایک مسجد کے باہرموجود ایک غیرملکی گداگر کو گرفتار کر لیا جس کے پاس سے ایک لاکھ 10 ہزار ریال برآمد ہوئے ہیں۔

العربیہ نیٹ کے مطابق ادارہ امن عامہ کے ٹوئٹرپرجاری وڈیوپیغام میں کہا گیا کہ پیشہ ورگداگروں کی حوصلہ افزائی نہ کی جائے۔

ادارے کی جانب سے جاری مہم کے دوران مختلف شہروں میں پیشہ ورگداگروں کی گرفتاری کا سلسلہ جاری ہے۔وڈیو پیغام میں مزید کہا گیا کہ گرفتار گداگر یمنی شہری ہے۔ جس وقت اسے حراست میں لیا گیا اس کے پاس سے ایک لاکھ 10 ہزار ریال کی خطیررقم برآمد ہوئی۔ واضح رہے مملکت میں پیشہ ورگداگری کی حوصلہ شکنی کی جاتی ہے۔

القبض على متسول يمني ضبط بحوزته على مبلغ مالي قدره 110 آلاف ريال حصيلة تسوله واستعطافه للمصلين. #لاتعطيهم#معاً_نكافح_التسول pic.twitter.com/fyx9uulEEk

— الأمن العام (@security_gov) April 29, 2022

گداگروں کے خاتمے کے لیے باقاعدہ محکمہ انسداد گداگری قائم ہے جن کی ذمہ داری ہے کہ وہ پیشہ ورگداگروں کو گرفتار کر کے ان کے بارے میں مکمل معلومات حاصل کریں۔ گرفتار ہونے والے غیرملکی گداگروں کو مملکت سے بے دخل کر دیا جاتا ہے جبکہ مقامی گداگر پیشہ ور ہونے کی صورت میں جیل بھیجا جاتا ہے۔ ضرورت مندوں کو اصلاحی مرکز میں داخل کیا جاتا ہے۔