اسلام آباد: پاکستان میں حکومت کی تبدیلی کے بعد اب عمران خان کے حامیوں کی شامت آ گئی ہے- اسی سلسلے،میں اب ایک اینکر کی گرفتاری کی گئی ہے- عمران ریاض کو پنجاب پولیس نے رات بروز منگل لاہور سے اسلام آباد ٹول پلازہ پہنچنے کے بعد گاڑی روک کر گرفتار کرلیا ہے۔
پاکستان کے مختلف ٹی وی چینلز پر ٹاک شوز کے میزبان اور تحریک انصاف کی حمایت میں وی لاگ کرنے والےعمران ریاض نے پولیس کی جانب سے گاڑی روکے جانا دیکھ کر خود کو پولیس کے حوالے کرنے سے پہلے گاڑی میں ایک ویڈیو ریکارڈ کی۔
عمران ریاض خان کو گرفتار کر لیا گیا pic.twitter.com/Ab4RIdxkn8
— Sabookh Syed | سبوخ سید (@SaboohSyed) July 5, 2022
ان کے وکیل میاں علی اشفاق نے ان کی گرفتاری سے متعلق تصدیق کی اور کہا کہ ان کے خلاف اٹھارہ سے زائد مقدمات درج کیے گئے ہیں۔ ایک بیان میں انہوں نے کہا کہ لاہور ہائیکورٹ نے آج ہی ان کے اسلحہ لائسنز منسوخی سے متعلق حکومتی نوٹیفکیشن معطل کیا تھا۔ عمران ریاض نے ویڈیو پیغام میں کہاکہ وہ لاہور سے اسلام آباد چیف جسٹس اسلام آباد ہائیکورٹ اطہر من اللہ کی عدالت پیش ہوکر ضمانت لینے آئے ہیں۔