واشنگٹن

افغانستان سے امریکی اور نیٹوافواج کے انخلاکے بعد کی صورت حال پر غور کے لئے افغانستان کے صدر اشرف غنی نے امریکا کے صدر جوبائیڈن سے ملاقات کی۔

اس موقع پر چیئرمین مصالحتی کمیشن عبداللّٰہ عبداللّٰہ بھی ساتھ تھے۔

ملاقات میں امریکی انخلا اور اس کے بعد کی صورتحال پر بات چیت ہوئی۔

دونوں افغان لیڈروں کی امریکی وزیردفاع لائیڈ آسٹن سے بھی ملاقات ہوئی۔

افغان صدر امریکی ایوان نمائندگان کی اسپیکر نینسی پلوسی سے بھی ملے۔

واضح ہوکہ غیرملکی افواج نے افغانستان سے انخلا شروع کردیا ہے اورپورے افغانستان پر طالبان کے قبضے کا اندیشہ ظاہرکیا جارہا ہے۔ ایسے میں اس ملاقات کی خاص اہمیت ہے۔ (ایجنسی ان پٹ )