امپھال: فیمینا مس انڈیا 2023 کا اعلان کر دیا گیا ہے۔ اس بار مس انڈیا کا تاج راجستھان کی نندنی گپتا کے سر پر ہے۔ جبکہ دہلی کی شریا پونجا فرسٹ رنر اپ اور منی پور کی تھوناوجم اسٹریلا لوانگ سیکنڈ رنر اپ رہیں۔ مس انڈیا 2023 کا گرینڈ فائنل امپھال، منی پور میں ہوا۔ اس میں اننیا پانڈے سے لے کر کارتک آرین، اور نیہا دھوپیا جیسے بالی ووڈ ستارے شامل تھے۔
اس موقع پر سابق فاتحین بھی موجود تھیں۔ جن میں سنی شیٹی، روبل شیخاوت، شناتا چوہان، مانسا وارانسی، مانیکا شیوکند، مانیا سنگھ، سمن راؤ اور شیوانی جادھو نے بھی اپنی پرفارمنس دی۔ اس دوران منیش پال اور بھومی پیڈنیکر نے اپنی مہارت سے مداحوں کا دل جیت لیا۔
ریاستی فاتحین کا فیصلہ فیمینا مس انڈیا یونیورس 2022 اور ایک ایلیٹ پینل نے کیا جس میں مینٹور نیہا دھوپیا، کوریوگرافر ٹیرینس لیوس، ڈائریکٹر ہرش وردھن کلکرنی، باکسنگ آئیکون لیشرم سریتا دیوی اور ڈیزائنرز راکی اسٹار اور نمرتا جوشی پورہ شامل تھے۔
اس مقابلہ حسن کے لیے ملک بھر سے خواتین آئی تھیں جن میں سے نندنی گپتا نے کامیابی حاصل کی ہے۔ آپ کو بتاتے چلیں کہ اس مقابلے میں 29 ریاستوں کے نمائندے اور تمام مرکز کے زیر انتظام علاقوں کے مدمقابل آئے تھے، جن میں سے 30 مدمقابل شامل تھے۔
دوسری جانب اگر ہم نندنی گپتا کی بات کریں تو اس وقت ان کی عمر صرف 19 سال ہے۔ نندنی فی الحال ایک ماڈل ہیں اور ان کے پاس بزنس مینجمنٹ کی ڈگری ہے۔ نندنی بچپن سے ہی بہت تیز تھیں۔ وہ اسکول میں ہونے والے مقابلوں اور تقریبات میں بھی حصہ لیا کرتی تھی۔
