شاہین آفریدی نے عمرے کی سعادت حاصل کرلی

Story by  اے ٹی وی | Posted by  [email protected] | 13 d ago
شاہین آفریدی نے عمرے کی سعادت حاصل کرلی

 

مکہ :  پاکستانی کرکٹ  ٹیم کے نوجوان فاسٹ بولر اور پاکستان سپر لیگ کی فرنچائز لاہور قلندرز کے کپتان شاہین شاہ آفریدی نے عمرے کی سعادت حاصل کرلی۔

شاہین آفریدی نے سماجی رابطے کی سائٹ ٹویٹر پر خانہ کعبہ کے صحن میں احرام پہن کر اپنی تصاویر بنوائی اور اُسے شیئر کیا۔ ساتھ میں انہوں عمرے کی سعادت حاصل کرنے پر اللہ کا شکر بھی ادا کیا۔ شاہین آفریدی کی تصویر پر اُن کے مداحوں اور ساتھی کرکٹرز نے مبارک باد دی اور دعاؤں میں یاد رکھنے کی اپیل بھی کی۔

کرکٹر ساجد خان، انور علی، فواد عالم، عابد علی، فرید خان، بلاول بھٹی، عمران خان نے انہیں مبارک باد دی جبکہ شاہد آفریدی کی صاحبزادی انشا آفریدی نے بھی شاہین آفریدی کو مبارک باد دی۔ علاوہ ازیں سوشل میڈیا پر شاہین آفریدی کی مسجد نبوی میں آمد کی ویڈیوز بھی سوشل میڈیا پر ایک مداح نے شیئر کی۔

 

واضح رہے کہ پاکستانی  ٹیم کے سابق کپتان سرفراز احمد بھی ان دنوں سعودی عرب میں ہیں اور انہوں نے اپنے بچوں اور اہلیہ سمیت عمرے کی سعادت بھی حاصل کی ہے۔