پشاور: پاکستان کرکٹ ٹیم کے فاسٹ بولر شاہین شاہ آفریدی کو اعزازی طور پر خیبرپختونخوا پولیس کا افسر بنا دیا گیا ہے۔ پاکستان کے صوبہ پختونخوا کے محمکہ پولیس نے پاکستانی فاسٹ بولر شاہین شاہ آفریدی کو نہ صرف خیر سگالی کا سفیر مقرر کیا ہے بلکہ انہیں ڈپٹی سپرنٹینڈنٹ آف پولیس کا اعزازی عہدہ بھی دے دیا گیا ہے۔
پشاور میں منعقد ہونے والی تقریب میں صوبہ پختونخواہ کے چیف سیکریٹری شہزاد خان بنگش اور آئی جی پختونخواہ پولیس معظم جاہ انصاری نے شاہین شاہ آفریدی کو اعزازی عہدے سے نوازا اور انھیں محمکے کی خیر سگالی کا سفیر مقرر کیا ہے۔
سپر اسٹار پاکستانی فاسٹ باولرشاہین شاہ آفریدی خیبر پختونخوا پولیس کے گڈول ایمبیسڈر (خیر سگالی سفیر ) مقرر۔
— KP Police (@KP_Police1) July 4, 2022
چیف سیکرٹری خیبر پختونخوا شہزاد خان بنگش اور انسپکٹر جنرل آف پولیس خیبرپختونخوا معظم جاہ انصاری سپر اسٹار کرکٹر کو ڈی ایس پی کے اعزازی رینک لگا رہے ہیں۔ pic.twitter.com/epZv6u21yc
شاہین شاہ آفریدی پولیس کی وردی پہنے کافی پرجوش نظر آئے۔ تقریب سے خطاب کرتے ہوئے شاہین شاہ آفریدی نے پختونخواہ پولیس کو خراج تحسین پیش کرتے ہوئے کہا کہ ’جب بھی پختونخوا پولیس کو کرکٹرز کی ضرورت ہوگی وہ کسی بھی پروگرام میں حاضر ہوجائیں گے اور وہ پولیس کے ساتھ ہیں۔‘ شاہین شاہ آفریدی نے کہا کہ ان کے اپنے والد پولیس میں تھے اس لیے انہیں پتہ ہے کہ پولیس کی ذمہ داری کتنی مشکل ہوتی ہے۔
شاہین شاہ آفریدی کو پولیس کی وردی میں دیکھ کر صارفین سماجی رابطوں کی ویب سائٹ ٹوئٹر پر بھی تبصرے کر رہے ہیں۔ ایک صارف نے کہا کہ ’شاہین بہت اچھے لگ رہا ہیں، ماشاللہ۔‘