ہند پاک کرکٹ دبئی میں؟

Story by  ایم فریدی | Posted by  [email protected] | 2 Years ago
ہند۔ پاک کرکٹ : دبئی کی میزبانی کی پیشکش
ہند۔ پاک کرکٹ : دبئی کی میزبانی کی پیشکش

 

 

دبئی کرکٹ کونسل کے چیئرمین عبدالرحمٰن فلکناز نے روایتی حریف ہندوستان اور پاکستان کے درمیان دو طرفہ کرکٹ سیریز کی میزبانی کی پیشکش کی ہے۔

یہ پیشکش ایک ایسے موقع پر کی گئی ہے جب ایک ماہ قبل ہی روایتی حریف ٹیموں نے دبئی انٹرنیشنل کرکٹ اسٹیڈیم میں آئی سی سی ٹی20 ورلڈ کپ کا میچ کھیلا تھا۔

حال ہی میں ختم ہونے والے ٹی20 ورلڈ کپ کا انعقاد متحدہ عرب امارات کے شہروں شارجہ، دبئی اور ابوظبی میں کیا گیا تھا اور ابتدائی راؤنڈ کے کچھ میچز عمان میں بھی کھیلے گئے تھے۔

خلیج ٹائمز کے مطابق عبدالرحمٰن فلکناز نے کہا کہ سب سے اچھی چیز یہ ہوگی کہ یہاں ہندوستان اور پاکستان  کے میچ ہوں گے، برسوں پہلے جب شارجہ ہند ۔پاک  میچوں کی میزبانی کرتا تھا تو جنگ سا ماحول ہوتا تھا لیکن یہ ایک مثبت اور کھیلوں کی جنگ تھی جو لاجواب تھی۔ سیاسی تناؤ کی وجہ سے دونوں ممالک نے 2013 کے بعد سے دو طرفہ کرکٹ سیریز نہیں کھیلی۔

پاکستان نے آخری مرتبہ 2013 میں دو ٹی20 اور تین ون ڈے میچز کھیلنے کے لیے ہندوستان  کا دورہ کیا تھا۔

: گلف نیوز ان کا کہنا تھاکہ مجھے یاد ہے بالی ووڈ اداکار راج کپور ایک بار اپنے اہلخانہ کے ساتھ یہاں میچ دیکھنے آئے تھے، ایوارڈ کی تقریب کے موقع پر انہوں نے مائیک تھامتے ہوئے کہا تھا کہ شارجہ میں یہ ہند پاک کرکٹ کی جنگ کتنی شاندار ہیں، کرکٹ لوگوں کو یکجا کرتا ہے، کرکٹ نے ہمیں اکٹھا کیا ہے اور ہمیں اسی طرح رہنے دیا جائے۔

عبدالرحمٰن نے کہا کہ ہم بھی یہی کرنا چاہیں گے، اگر ہم ہندوستان کو پاکستان کے خلاف سال میں ایک یا دو بار یہاں آنے اور کھیلنے پر آمادہ کر سکتے ہیں تو یہ بہت اچھا ہوگا۔ دبئی میں آئی پی ایل میچز کا خیر مقدم دبئی کرکٹ کونسل کے سربراہ نے مستقبل میں انڈین پریمیئر لیگ کے مزید میچوں کی میزبانی کی بھی خواہش ظاہر کی ہے۔

ان کا کہنا تھا کہ 2014 میں جب انتخابات کی وجہ سے آئی پی ایل کو متحدہ عرب امارات منتقل کیا گیا تھا تو ہم نے اس کا خیرمقدم کیا تھا، یہ سب بی سی سی آئی پر منحصر ہے کہ وہ فیصلہ کرے کہ وہ کیا کرنا چاہتے ہیں۔

انہوں نے کہا کہ ہمارے ان کے ساتھ دوستانہ تعلقات ہیں، بی سی سی آئی 2014 اور رواں سال ہماری صلاحیت دیکھ چکا ہے، 2014 میں 20 میچز کھیلے گئے تھے اور 20 میں سے 19 میچز کے تمام ٹکٹ فروخت ہوئے تھے۔ عبدالرحمٰن فلکناز نے کہا کہ میں بی سی سی آئی کو مدعو کروں گا کہ وہ آئیں اور مزید آئی پی ایل میچ منعقد کریں۔