آواز دی وائس، نئی دہلی
کرکٹر ہربھجن سنگھ نے ہر طرح کی کرکٹ سے ریٹائرمنٹ کا اعلان کر دیا ہے۔ ہربھجن سنگھ نے ٹوئٹر اور یوٹیوب پر شیئرکردہ ویڈیو میں اپنے 23 برس کے کیریئر کے اختتام کا اعلان ایک جذباتی پوسٹ کے ذریعے کیا۔
ان کا کہنا تھا کہ ’ہر اچھی چیز نے ایک روز ختم ہونا ہوتا ہے، آج میں بھی اس کھیل کو الوداع کہہ رہا ہوں جس نے مجھے زندگی میں سب کچھ دیا۔‘
اپنے پیغام میں انہوں نے اپنے کرکٹ کیریئر کو یادگار اور خوبصورت بنانے والے ہر فرد کا شکریہ بھی ادا کیا۔ ہربھجن سنگھ کی ریٹائرمنٹ پر سابقہ و موجودہ کرکٹرز کے ساتھ شائقین نے بھی جہاں ان کے مستقبل کے لیے نیک تمناؤں کا اظہار کیا وہیں ان کے اس فیصلے کو عمدہ اقدام قرار دیا۔
All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable.
— Harbhajan Turbanator (@harbhajan_singh) December 24, 2021
My heartfelt thank you 🙏 Grateful .https://t.co/iD6WHU46MU
پراگیان اوجھا نے انہیں کیریئر کی مبارکباد دی تو لکھا کہ یہ کچھ ایسا تھا جس پر پورا ملک فخر کرتا ہے۔ بہت سے سپنرز کے لیے انسپائریشن بننے پر آپ کا شکریہ۔
اداکار باب بسواس نے اچھی یادوں کے لیے ہربھجن کا شکریہ ادا کرتے ہوئے لکھا ’بھاجی ہم آپ کو مس کریں گے۔‘
انڈیا کے کامیاب ترین آف سپن بولر قرار دیے جانے والے ہربھجن سنگھ نے قومی ٹیم کی جانب سے 103 ٹیسٹ، 236 ایک روزہ اور 28 ٹی20 انٹرنیشنل میچ کھیلے ہیں۔
