یورو کپ فٹبال میں گروپ مرحلوں کے میچ مکمل ہو گئے ہیں اور اب 16 ٹیمیں پِری کوارٹر فائنل مرحلے میں پہنچ گئی ہیں۔ کَل گروپ مرحلے کے آخری دِن فرانس، جرمنی اور پُرتگال پِری کوارٹر فائنل میں پہنچ گئے، جبکہ ہنگری ٹورنامنٹ سے باہر ہو گیا ہے۔ موجودہ چمپئن پُرتگال گروپ مرحلے میں تیسرے مقام پر رہا۔ اُدھر ہنگری کے ساتھ جرمنی کا مقابلہ دو-دو گول سے برابر رہا۔ فرانس اور پرتگال کا میچ بھی دو-دو گول سے برابری پر ختم ہوا۔پِری کوارٹر فائنل میچ کَل سے شروع ہوں گے۔ پہلے میچ میں ویلز کا مقابلہ ڈنمارک سے ہوگا۔