ایمسٹرڈیم :نیدرلینڈ اور آسٹریا نے پیر کو یورو 2020 کے آخری 16 میں اپنی جگہ بنالی ہے ۔ نیدرلینڈنے جوہان کروز ارینا میں شمالی مقدونیہ کو 3-0 سے شکست دی ، جبکہ آسٹریا نے قومی میدان میں یوکرائن کو 1-0 سے شکست دی۔ نیدرلینڈ گروپ سی میں تین میچوں میں نو پوائنٹس کے ساتھ سرفہرست رہا، جبکہ آسٹریا اتنی ہی میچوں میں چھ پوائنٹس کے ساتھ دوسرے نمبر پر رہا۔ نیدرلینڈ اور شمالی مقدونیہ کے مابین میچ میں میمفس ڈیپے نے 24 ویں منٹ میں برتری حاصل کرلی۔ پہلے ہاف میں مزید کوئی گول نہ ہوسکا اورنیدرلینڈ نے ایک صفر کی برتری حاصل کرلی۔ نیدرلینڈ نے دوسرے ہاف کے چھٹے منٹ میں جارجینیو وجلنڈم کے ذریعہ دوسرا گول کرکے ٹیم کی برتری 2-0 کردی۔ میچ کے 58 ویں منٹ میں ، وجلنڈم نے ایک اور گول کرکے ہالینڈ کی برتری 3-0 کردی اور یہ اسکور فیصلہ کن ثابت ہوا۔ دوسری جانب ، کرسٹوف بومگارٹنر نے یوکرائن کے خلاف میچ کے 21 ویں منٹ میں گول کرکے آسٹریا کو 1-0 کی برتری دلادی اور اسکور فیصلہ کن ثابت ہوا۔