ہانگ کانگ۔ افغانستان نے ہانگ کانگ سکسز 2026 کرکٹ ٹورنامنٹ کے لیے اپنی ٹیم کا اعلان کر دیا ہے۔ تجربہ کار آل راؤنڈر گل بدین نائب کو ٹیم کی قیادت سونپی گئی ہے۔ یہ ٹورنامنٹ 30 اکتوبر سے 1 نومبر 2026 تک ہانگ کانگ کے ٹن کوونگ روڈ ریکریشن گراؤنڈ میں کھیلا جائے گا۔

افغانستان کی 7 رکنی ٹیم میں کپتان گل بدین نائب کے علاوہ فرمان اللہ صافی۔ عمران میر۔ عبدالرحمان۔ کریم جنت۔ ننگیالیہ خروٹے اور صدیق اللہ پاچا شامل ہیں۔ ٹیم میں بین الاقوامی تجربے کے حامل کھلاڑیوں کے ساتھ جارحانہ کرکٹ کھیلنے کی صلاحیت رکھنے والے کھلاڑیوں کو بھی جگہ دی گئی ہے۔

افغانستان کو ٹورنامنٹ کے گروپ ڈی میں جنوبی افریقہ اور عمان کے ساتھ رکھا گیا ہے۔ ٹیم اس مقابلے میں اپنی جارحانہ بلے بازی اور مؤثر کھیل کے ذریعے بہتر کارکردگی پیش کرنے کی کوشش کرے گی۔

ہانگ کانگ سکسز کرکٹ کا ایک منفرد اور تیز رفتار فارمیٹ ہے جس میں ہر ٹیم کے 6 کھلاڑی میدان میں اترتے ہیں اور ہر اننگز میں 6 اوورز کھیلے جاتے ہیں۔ اس فارمیٹ میں تیزی سے رنز بنانا۔ حکمت عملی کے ساتھ بولنگ کرنا اور چست فیلڈنگ کرنا کامیابی کے لیے اہم سمجھا جاتا ہے۔

افغانستان کی ٹیم کے اعلان پر کرکٹ ہانگ کانگ چائنا کے کمرشل اینڈ مارکیٹنگ ڈائریکٹر انوراگ بھٹناگر نے کہا کہ افغانستان نے ہمیشہ کھیل میں جوش اور مسابقتی جذبے کا مظاہرہ کیا ہے۔ انہوں نے کہا کہ ہانگ کانگ سکسز 2026 میں افغان ٹیم کی شرکت سے ٹورنامنٹ کی دلچسپی میں اضافہ ہوگا اور شائقین کو تیز رفتار اور دلچسپ کرکٹ دیکھنے کا موقع ملے گا۔

ہانگ کانگ سکسز میں دنیا بھر کی ٹیمیں حصہ لیں گی۔ اس ٹورنامنٹ میں جارحانہ بلے بازی۔ منفرد بولنگ حکمت عملی اور مسلسل تیز رفتار کھیل شائقین کی توجہ کا مرکز رہتے ہیں۔

ہانگ کانگ سکسز 2026 کے لیے افغانستان کی ٹیم

• گل بدین نائب (کپتان)

• فرمان اللہ صافی

• عمران میر

• عبدالرحمان

• کریم جنت

• ننگیالیہ خروٹے

• صدیق اللہ پاچا