نئی دہلی

بنگلہ دیش نے اپنی آزادی کی 50 ویں سال گرہ کے موقع پر ثقافتی پروگرام کے لئے ہندوستان کے دو فنکاروں کو خصوصی طور پر مدعو کیا ہے۔ ہندوستان کے ساتھ دیرینہ ثقافتی تعلقات کے برملا اظہار کے طور پر حکومت بنگلہ دیش نے مغربی بنگال سے تعلق رکھنے والے دو فنکاروں ممتا شنکر اورپنڈت اجوئے چکرورتی کو اس گولڈن جبلی تقریب کی رونق بڑھانے کے لئے مدعو کیا ہے۔

اپنی آزادی کی 50 ویں سال گرہ کو مزید یادگار بنانے کے لئے بنگلہ دیش اپنے دیرینہ دوست ہندوستان کے ساتھ اپنے تعلقات کی تجدید رہا ہے۔ اس تقریب میں وزیر اعظم نریندر مودی کو بھی مدعو کیا گیا ہے۔ واضح رہے کہ ممتا شنکر معروف رقاصہ ہیں جبکہ پنڈت اجوئے چکرورتی ہندوستانی کلاسیکل گلوکار ہیں ۔

اپنے تاثرات کا اظہار کرتے ہوئے اجوئے چکرورتی کہتے ہیں کہ بنگلہ دیش میں پرفارم کرنا ہمیشہ ہی خاص ہوتا ہے۔ ربیندر ناتھ ٹیگور ، قاضی نذرالاسلام ، اتول پرساد سین ، ر جنی کا نتا سین اور ڈی ایل رے کی شراکت کے ذریعہ ہندوستان اور بنگلہ دیش کے درمیان ایک ایسا پائیدار رشتہ تعمیر ہوا ہے جس کی نظیر تاریخ میں بہت کم ہی دیکھنے کو ملتی ہے۔

Performing in Bangladesh is always special. Through contributions of Rabindranath Tagore, Kazi Nazrul Islam, Atulprasad Sen, Rajanikanta Sen and DL Ray, a relationship was built b/w India-Bangladesh, which is rare in history: Pandit Ajoy Chakrabarty, Hindustani classical vocalist pic.twitter.com/h0vuZziwrQ

— ANI (@ANI) March 26, 2021