نئی دہلی

ملک کی چار ریاستوں اور مرکز کے زیر انتظام علاقے پدوچیری میں ہونے والے اسمبلی انتخبات کے نتایج آنے شروع ہو گیۓ ہیں ۔ دیر شام تک تمام نتایج آ جانے کی توقع ہے- ابھی تک کے رجحانات سے یہ اشارے مل رہے ہیں کہ مغربی بنگال میں ٹی ایم سی ، آسام میں بی جے پی اتحاد ، کیرالہ میں ایل ڈی ایف ، تامل ناڈو میں ڈی ایم کے اتحاد حکومت بنانے کی پوزیشن میں آ چکے ہیں ۔

رجحانات سے یہ پتہ چلتا ہے کہ مغربی بنگال میں ٹی ایم سی 207 سیٹیں جیت سکتی ہے جبکہ آسام میں بی جے پی اتحاد نے جادوئی ہندسہ پار کرتے ہوئے 77 سیٹوں پر سبقت حاصل کر لی ہے ۔ کیرالہ میں ایل ڈی ایف کے 93 سیٹیں جیتنے کے واضح اشارے مل رہے ہیں جبکہ تمل ناڈو میں ڈی ایم کےکانگریس اتحاد 138 سیٹوں کے ساتھ حکومت بنانے کی پوزیشن میں آ چکے ہیں ۔