شیوسینا اعتماد کا ووٹ حاصل کرے گی: راوت

Story by  اے ٹی وی | Posted by  [email protected] | 1 Years ago
شیوسینا اعتماد کا ووٹ حاصل کرے گی: راوت
شیوسینا اعتماد کا ووٹ حاصل کرے گی: راوت

 

 

ممبئی: شیوسینا کے رہنما اور راجیہ سبھا کے رکن سنجے راوت نے دعویٰ کیا ہے کہ ان کی پارٹی مہاراشٹر اسمبلی میں اعتماد کا ووٹ حاصل کرے گی۔

راوت نے ہفتہ کو یہاں نامہ نگاروں کو بتایا کہ انہوں نے بھارتیہ جنتا پارٹی (بی جے پی) کے سینئر لیڈر اور سابق وزیر اعلیٰ دیویندر فڑنویس سے بھی کہا ہے کہ وہ شیوسینا کے ایم ایل اے ایکناتھ شندے اور دیگر ایم ایل ایز کی بغاوت کے بعد ریاست میں جاری سیاسی بحران میں مداخلت نہ کریں۔

انہوں نے کہا کہ اگر مسٹر فڑنویس مداخلت کرتے ہیں تو وہ ایک بار پھر ناکام ہو جائیں گے اور ان کی پارٹی کی ساکھ تباہ ہو جائے گی۔ انہوں نے کہا، ’’ہزاروں شیوسینکوں نے اپنا خون بہایا اور پارٹی کے لیے اپنی جانیں قربان کیں۔

شیوسینا کو ہائی جیک نہیں کیا جا سکتا۔ شیوسینا کے تمام باغی ایم ایل اے ممبئی واپس لوٹ آئیں گے تو ہم ایک بار پھر اسمبلی میں اکثریت حاصل کریں گے۔‘‘

وزیر اعلیٰ ادھو ٹھاکرے کے قریبی ساتھی مسٹر راوت نے کہا کہ شیوسینا مضبوط ہے اور کانگریس اور نیشنلسٹ کانگریس پارٹی مسٹر ٹھاکرے کے ساتھ ہیں۔ انہوں نے کہا کہ جلد ہی شیوسینا کی قومی ایگزیکٹو کی میٹنگ منعقد کی جائے گی جس میں کئی مسائل پر بات چیت کی جائے گی۔ (ایجنسی)