ناگپور: جاگرن گروپ کے سینئر صحافی سنجے گپتا 20 اکتوبر کو راشٹریہ سویم سیوک سنگھ (آر ایس ایس) کی سالانہ وجے دشمی تقریب میں مہمان خصوصی ہوں گے۔ آر ایس ایس نے جمعہ کو ایکس پر پوسٹ کے ذریعے یہ اطلاع دی۔

پوسٹ کے مطابق آر ایس ایس کی جانب سے منعقد ہونے والی وجے دشمی تقریب 20 اکتوبر کو ہوگی اور اس میں روزنامہ ’دینک جاگرن‘ کے چیف ایڈیٹر سنجے گپتا مہمان خصوصی ہوں گے۔ پوسٹ میں بتایا گیا ہے کہ آر ایس ایس کے سربراہ موہن بھاگوت تقریب میں کلیدی خطاب کریں گے۔

آر ایس ایس کے سربراہ ہر سال دسہرے کے موقع پر ناگپور کے ریشم باغ میدان میں سنگھ کے ’سویم سیوکوں‘ یعنی رضاکاروں سے خطاب کرتے ہیں۔