پرائیوٹ شعبے کو ٹیکنالوجی سے لیس کرنے کی ضرورت : راج ناتھ

Story by  ایم فریدی | Posted by  Shah Imran Hasan | 2 Years ago
  راج ناتھ سنگھ
راج ناتھ سنگھ

 

 

آواز دی وائس، نئی دہلی

 وزیردفاع راج ناتھ سنگھ نےدفاعی شعبے میں خود انحصاری کے لیے نجی شعبے کی حصہ داری پر زور دیتے ہوئے آج کہا کہ صنعتی شعبےکو ٹیکنالوجی کےمیدان میں اتنا مضبوط بنانے کی ضرورت ہے کہ اسے ٹکنالوجی کی منتقلی کے لیے کسی پر انحصار نہ کرنا پڑے۔

وزیردفاع  نے پیرکے روزیہاں ڈیفنس ریسرچ اینڈ ڈویلپمنٹ آرگنائزیشن (ڈی آر ڈی او) کے نوجوان سائنسدانوں کو’ڈیر ٹو ڈریم 2.0 ایوارڈز‘ کے موقع پر منعقدہ پروگرام میں اپنے خطاب میں کہا کہ عالمی سلامتی کے چیلنجز ، سرحدی تنازعات اور سمندری معاملات کی بڑھتی ہوئی اہمیت کی وجہ سے دنیا بھر کے ممالک فوجی جدید کاری پر توجہ دے رہے ہیں اور فوجی ساز و سامان کی مانگ تیزی سے بڑھ رہی ہے۔

اس بات کو ذہن میں رکھتے ہوئے پرائیوٹ شعبے کو مضبوط بنانے ، ضروری سہولیات سے لیس کرنے کرنا اور نئے کردار کے لیے تیار کرنا ہوگا ۔ اب تک دفاعی شعبے میں پرائیوٹ کمپنیوں کی شرکتداری کم رہی ہے اور سرمایہ اور ٹیکنالوجی اس کی اہم وجوہات ہیں۔

انہوں نے کہا کہ نئے ہندوستان کے بدلتے ہوئے پہلوؤں میں نینو ٹیکنالوجی ، کوانٹم کمپیوٹنگ ، مصنوعی ذہانت اور روبوٹک ٹیکنالوجی کے شعبے میں کام کیا جا رہا ہے ۔ دوہری استعمال کی ٹیکنالوجی کی ترقی پرزوردیتے ہوئے انہوں نے کہا کہ اس کی بڑے پیمانے پر ضرورت ہے کیونکہ اس سے یہاں ایک طرف ہماری فوج مضبوط ہوگی اوردوسری طرف لوگوں کی زندگی کا میعار بھی بہتر بنے گا ۔ جاری ۔ ک