موہالی : مشہور پرائیویٹ یونیورسٹی کا ماحول سنیچر کی رات دیر گئے اس وقت کشیدہ ہو گیا جب ہاسٹل کی ایک طالبہ نے شملہ میں بیٹھے اپنے دوست کے ذریعے دیگر طالبات کی فحش ویڈیو بنا کر سوشل میڈیا پر وائرل کر دی۔
طا لبات کو جیسے ہی اس کا علم ہوا یونیورسٹی میں کہرام مچ گیا۔ ایس ایس پی وویکشیل سونی نے کہا کہ معاملہ ان کے علم میں آیا ہے۔ ایک لڑکی کی طبیعت خراب ہو گئی تھی۔
جسے اسپتال میں داخل کرایا گیا ہے۔ تاہم کسی کی موت نہیں ہوئی ہے۔ معلومات کے مطابق یونیورسٹی کے ہاسٹل میں ایک طالبہ ہر روز ہاسٹل میں رہنے والی لڑکیوں کی ویڈیو بناتا تھا۔
وہ یہ ویڈیو صرف اپنے کپڑے بدلتے یا نہاتے وقت بناتی تھی۔ جس کے بعد وہ اسے اپنے دوست کو بھیجتی تھی۔ لڑکیاں کچھ دنوں سے اسے دیکھ رہی تھیں۔ لیکن ہفتہ کو لڑکیوں نے اسے رنگے ہاتھوں پکڑ لیا۔ اس کے بعد ادارے کے عہدیداروں کو اطلاع دی گئی۔ لڑکی سے موقع پر ہی پوچھ گچھ کی گئی۔
اس دوران لڑکی نے اعتراف کیا کہ وہ اپنے دوست کو ویڈیوز بھیجتی تھی۔ وہ تمام کارروائیاں اپنی سہیلی کے کہنے پر ہی کرتی تھیں۔ ذرائع کے مطابق جب طلباء کو معلوم ہوا کہ ان کی ویڈیوز سوشل میڈیا پر وائرل ہو گئی ہیں تو ان کے ہوش اڑ گئے۔ اس دوران ویڈیو دیکھ کر ایک طالبہ کو دل کا دورہ پڑا۔ کچھ لڑکیوں کی خودکشی کی کوشش کی اطلاع ملی ہے۔
لڑکیوں نے ہنگامہ کھڑا کر دیا۔ مجبوری میں یونیورسٹی کے دروازے بھی بند کرنے پڑے۔ پولیس کا کہنا ہے کہ معاملے کی تفتیش جاری ہے۔ یونیورسٹی میں پنجاب، ہریانہ، چندی گڑھ، ہماچل سے بچے پڑھنے آتے ہیں۔ ملزم طالبہ ایم بی اے فرسٹ ایئر میں زیر تعلیم ہے۔ ایک طالبہ کو دل کا دورہ پڑا ہے، باقی طالبات کو پانی کی کمی کی شکایت کے بعد اسپتال میں داخل کرایا گیا ہے۔
