نئی دہلی: مدھیہ پردیش کے وزیر اعلیٰ موہن یادو نے بدھ کے روز کہا کہ جوانوں کی بہادری اور لگن کی بدولت ریاست تقریباً 35 سال سے جاری نکسلواد کے مسئلے سے نجات پانے میں کامیاب ہوئی ہے۔ انہوں نے قومی سلامتی، امن اور سماجی نظام برقرار رکھنے میں پولیس اور مسلح افواج کے کردار کی بھی ستائش کی۔

موہن یادو یہاں شہید اسمارک میدان میں منعقدہ ریاستی سطح کی پولیس یادگاری دن پریڈ 2026 سے خطاب کر رہے تھے۔ وزیر اعلیٰ نے کہا کہ ریاست کے لیے یہ فخر کی بات ہے کہ وہ تقریباً 35 سال سے جاری نکسلواد کے مسئلے سے باہر نکلنے میں کامیاب ہوئی ہے۔

یہ دور کئی چیلنجوں سے بھرا ہوا تھا، لیکن جوانوں نے اپنی بے مثال بہادری، شجاعت اور لگن سے ریاست کا سر فخر سے بلند کیا۔ انہوں نے کہا کہ وزیر اعظم نریندر مودی کی قیادت اور مرکزی وزیر داخلہ امت شاہ کی رہنمائی میں ریاست نے نکسلواد کے سنگین چیلنج کا کامیابی سے مقابلہ کیا ہے۔