بنگلور: کرناٹک کے اڈپی ضلع کی 40 مسلم طالبات نے منگل کو پہلا پری یونیورسٹی امتحان چھوڑ دیا۔ طالبات کا کہنا تھا کہ حجاب کے تنازع پر ہائی کورٹ کے حالیہ حکم سے انہیں تکلیف ہوئی ہے، جس میں اسکول میں حجاب پہننے کی اجازت نہیں تھی۔

ذرائع نے بتایا کہ 15 مارچ کے عدالتی حکم سے طالبات کو تکلیف ہوئی تھی، اس لیے انہوں نے حجاب کے بغیر امتحان میں شرکت نہ کرنے کا فیصلہ کیا۔ منگل کو امتحان چھوڑنے والی طالبات میں کنداپور کی 24، بندور کی 14 اور اڈوپی گورنمنٹ گرلز پی یو کالج کی دو لڑکیاں شامل ہیں۔ یہ لڑکیاں کلاس میں حجاب پہننے پر قانونی جنگ میں شامل تھیں۔ یہ لڑکیاں پہلے پریکٹیکل امتحانات بھی چھوڑ چکی تھیں۔

آر این شیٹی پی یو کالج میں 28 مسلم طالبات میں سے 13 نے امتحان میں شرکت کی۔ اگرچہ کچھ طالبات حجاب پہن کر امتحانی مرکز پہنچیں لیکن انہیں داخلے کی اجازت نہیں دی گئی۔اڈپی کے بھنڈارکر کالج کی پانچ میں سے چار طالبات نے امتحان میں شرکت کی اور بسرور شاردا کالج کی تمام طالبات نے امتحان میں حصہ لیا۔ نوندا گورنمنٹ پی یو کالج کی آٹھ میں سے چھ طالبات نے امتحان چھوڑ دیا جبکہ 10 میں سے صرف دو مسلم لڑکیاں امتحان میں شریک ہوئیں۔ضلع کے کچھ نجی کالجوں نے لڑکیوں کو حجاب پہن کر امتحان میں بیٹھنے کی اجازت دی ہے۔ سپریم کورٹ نے 24 مارچ کو کرناٹک ہائی کورٹ کو چیلنج کرنے والی عرضیوں کی فوری سماعت سے انکار کر دیا تھا۔

دریں اثنا، بدھ کو سات امتحان دینے والوں کو بھی معطل کر دیا گیا، جنہوں نے طالبات کو کلاس کے اندر حجاب پہننے کی اجازت دی۔

کنداپور سرکاری پی یو کالج کی 14 مسلم طالبات میں سے 8 اور آر این شیٹی پی یو کالج کی 28 میں سے 15 مسلم طالبات امتحان سے غیر حاضر رہیں ۔ ان غیر حاضر طالبات میں سے 9 طالبات حجاب کے ساتھ کالج کے احاطے تک پہنچیں تھیں مگر انہیں حجاب کے ساتھ امتحان دینے اجازت نہیں دی گئی ۔ ان میں سے کچھ طالبات نے یہ مطالبہ بھی کیا کہ اگر امتحان میں شریک ہونے کی اجازت نہیں دی جاتی تو پھر ان کی فیس واپس کی جانی چاہیے ۔

بھنڈارکر کالج کی پانچ میں سے چار مسلم طالبات نے امتحان میں شرکت کی البتہ ایک طالبہ امتحان سے غیر حاضر رہی ۔ جبکہ شاردا کالج بسرور کی تمام مسلم طالبات نے امتحان میں شرکت کی ۔ ناوندا گورنمنٹ پی یو کالج کی 8 میں سے 6 مسلم طالبات امتحان سے غیر حاضر رہیں جبکہ بیندور گورنمنٹ کالج کی 10 میں سے 2 مسلم طالبات نے امتحان میں شرکت کی اور بقیہ 8 طالبات غیر حاضر رہیں ۔ کچھ پرائیویٹ کالجوں میں جہاں پر یونیفارم میں حجاب شامل تھا ان طالبات کو حجاب کے ساتھ امتحان میں شریک ہونے کی اجازت دی گئی اور انہوں نے حجاب کے ساتھ امتحان دیا ۔

کرناٹک کے پرائمری اور سیکنڈری ایجوکیشن منسٹر بی سی ناگیش نے کہا کہ ’’مجھے جو اطلاع ملی ہے اس کے مطابق 7 امتحان لینے والوں کو معطل کر دیا گیا ہے۔ ان افراد کو ہائی کورٹ کے حکم کی تعمیل نہ کرنے پر معطل کیا گیا اور انہیں ڈیوٹی پر واپس نہیں لیا گیا۔