حیدرآباد: خلیجِ بنگال میں بننے والا سمندری طوفان ’گلاب‘ آج شام ملک کی کچھ ریاستوں میں اپنا اثر دکھا سکتا ہے۔
شام تک طوفان آندھرا پردیش اور اوڑیسہ کے ساحلوں سے ٹکرائے گا۔
محکمۂ موسمیات کے مطابق طوفان ’گلاب‘ 95 کلو میٹر فی گھنٹہ کی رفتار کی ہواؤں کے ساتھ اوڑیسہ کے علاقے گوپال پور اور آندھرا پردیش کے علاقے کالینگا پٹنم کے درمیانی ساحلی علاقوں سے ٹکرائے گا۔
طوفان کی تباہ کاریوں سے بچنے کے لیے دونوں ریاستوں کے ساحلی علاقوں سے لوگوں کا انخلاء کرایا جا رہا ہے۔
