نئی دہلی: الہ آباد ہائی کورٹ کی لکھنؤ بنچ نے منگل کو فیصلہ دیا کہ اتر پردیش میں ہوٹل، ریستوراں، کیفے اور دیگر عوامی مقامات پر مخصوص اسموکنگ زون میں بھی گاہکوں کو حقہ پیش نہیں کیا جا سکتا۔ بنچ نے کہا کہ یہ سرگرمی سگریٹ اور دیگر تمباکو مصنوعات ایکٹ، 2003 (کوٹپا) اور عوامی مقامات پر سگریٹ نوشی پر پابندی کے قواعد، 2008 کے تحت ممنوع ہے۔

جسٹس شیکھر بی سراف اور جسٹس اے کے چودھری کی بنچ نے حقہ بار چلانے سے متعلق اہم عرضی سمیت تمام متعلقہ عرضیاں خارج کر دیں۔ عرضی گزاروں نے درخواست کی تھی کہ قانونی فوڈ اسٹیبلشمنٹ لائسنس رکھنے والے ریستوراں کو مخصوص اسموکنگ زون میں حقہ پیش کرنے کی اجازت دی جائے اور ان کے کاروبار میں پولیس کی مداخلت روکی جائے۔

عدالت نے کہا کہ مخصوص اسموکنگ زون عوامی مقامات پر سگریٹ نوشی کی پابندی سے صرف ایک محدود استثنا ہے اور وہاں کسی بھی طرح کی سروس فراہم کرنے کی اجازت نہیں ہے۔