نئی دہلی: وزیر اعظم نریندر مودی نے حضرت نظام الدین اولیاءؒ کے 723ویں عرس کے آغاز پر تمام عقیدت مندوں کو مبارکباد اور نیک خواہشات پیش کی ہیں۔ انہوں نے کہا کہ ہندوستان کی روحانی اور ثقافتی روایت صدیوں سے محبت، ہمدردی، خدمت اور باہمی ہم آہنگی کی اقدار سے مالا مال رہی ہے۔ صوفی بزرگوں نے اپنی تعلیمات اور زندگی کے ذریعے معاشرے کو انسانیت اور باہمی احترام کا راستہ دکھایا ہے۔

وزیر اعظم نے اپنے پیغام میں کہا کہ حضرت نظام الدین اولیاءؒ نے بھی ہندوستان کی اس عظیم روحانی اور ثقافتی روایت کو آگے بڑھانے میں اہم کردار ادا کیا۔ ان کی تعلیمات آج بھی انسانیت، سماجی ہم آہنگی اور ہر فرد کے احترام کا درس دیتی ہیں۔

نریندر مودی نے کہا کہ انسانی فلاح، سماجی ہم آہنگی اور ہر شخص کے احترام کا جذبہ ہندوستان کی قومی اقدار کا بھی اہم حصہ ہے۔ آج ہندوستان اپنی شاندار وراثت اور ثقافتی اقدار کو ساتھ لے کر ایک ترقی یافتہ اور خود کفیل ملک کی تعمیر کی سمت آگے بڑھ رہا ہے۔

Hon'ble PM @narendramodi ji shared a message on the 723rd Urs Mubarak of Hazrat Nizamuddin Auliya (r.a.)

His words honour the Sufi legacy of love, service and harmony that has long enriched Bharat's shared heritage.

Urs Mubarak Dua’s for all. #UrsMubarak #NizamuddinAuliya… pic.twitter.com/JlElUJCrJF

— Haji Syed Salman Chishty (@sufimusafir) September 30, 2026

انہوں نے کہا کہ حکومت کی مسلسل کوشش ہے کہ ترقی کے ثمرات معاشرے کے ہر خاندان تک پہنچیں اور ملک کے شہریوں کی زندگی میں سہولتوں اور ترقی کے مواقع میں اضافہ ہو۔ اس سفر میں اجتماعی کوششوں اور اتحاد کا جذبہ ملک کی سب سے بڑی طاقت ہے۔

وزیر اعظم نے مزید کہا کہ حضرت نظام الدین اولیاءؒ کا عرس ان کی تعلیمات کو یاد کرنے اور خدمت و ہم آہنگی کے کاموں سے وابستہ ہونے کا ایک اہم موقع ہے۔ صوفی روایت نے موسیقی، ادب اور عوامی ثقافت کے ذریعے ہندوستان کی مشترکہ ثقافتی وراثت کو مالا مال کیا ہے۔

🌹Hazrat Nizamuddin Auliya رحمۃ اللہ علیہ—Urs-e-Mubarak🌹#NizamuddinAuliya #UrsEMubarak #HazratNizamuddinAuliya #NizamuddinDargah #Delhi #Sufi #Sufism #Dargah #IslamicPost #Spirituality #Urs #Reels #ViralReels #islam #Islamic #Quran #Allah #Muslims #syedfahadhuss11 pic.twitter.com/EoadKoq4mE

— SM Fahad Hussain (@syedfahadhuss11) September 30, 2026

نریندر مودی نے حضرت نظام الدین اولیاءؒ کے عرس کے کامیاب انعقاد کے لیے ایک بار پھر تمام عقیدت مندوں کو مبارکباد اور نیک خواہشات پیش کیں۔