نئی دہلی۔ سپریم کورٹ کی سینئر وکیل اور بی جے پی رہنما سندھیہ باجپئی نے دہلی میں ترقی اور عوامی سہولیات سے متعلق ریکھا گپتا حکومت کے مختلف اقدامات کو سراہا ہے۔ انہوں نے کہا کہ حکومت کی توجہ خواتین کو بااختیار بنانے اور روزگار سے لے کر شمسی توانائی رہائش ماحولیات ٹریفک انتظام اور شہری تحفظ جیسے اہم مسائل پر مرکوز ہے۔ تاہم ان کا کہنا تھا کہ کسی بھی منصوبے کی اصل کامیابی اسی وقت ممکن ہے جب اس کا فائدہ آخری فرد تک پہنچے اور اس پر عملدرآمد کا پورا نظام مؤثر اور منظم ہو۔

سندھیہ باجپئی نے دہلی لکشمی یوجنا کو خواتین کی مالی خودمختاری کی سمت میں ایک اہم قدم قرار دیا۔ اس اسکیم کے تحت اہل خواتین کو ماہانہ 2500 روپے کی مالی امداد دی جارہی ہے۔ اگست 2026 میں اس اسکیم کے تحت ہزاروں خواتین کو منظوری کے خطوط بھی جاری کیے گئے۔انہوں نے خواتین کو روزگار اور خود کفالت سے جوڑنے والی درگا ای وی آٹو اسکیم کو بھی اہم قرار دیا۔ دہلی کابینہ نے ستمبر 2026 میں اس اسکیم کی منظوری دی ہے جس کے تحت پہلے مرحلے میں 1300 پنک الیکٹرک آٹو خواتین اور ٹرانس جینڈر افراد کو فراہم کیے جانے ہیں۔

باجپئی نے گھروں کی چھتوں پر شمسی نظام کی تنصیب کے لیے پی ایم سوریا گھر مفت بجلی یوجنا اور غیر مجاز کالونیوں کے رہائشیوں کو جائیداد سے متعلق حقوق دینے کے لیے پی ایم یو ڈی اے وائی جیسے اقدامات کو بھی مفید قرار دیا۔ ان کے مطابق ماحول دوست طریقے سے مذہبی اشیا کے وسرجن کے لیے مصنوعی تالابوں اور پوجا کا سامان جمع کرنے کے مراکز کا قیام بھی شہری ماحول کو بہتر بنانے کی سمت میں اہم قدم ہے۔

دہلی کے ٹریفک مسئلے پر بات کرتے ہوئے سندھیہ باجپئی نے کہا کہ صرف فلائی اوور تعمیر کرنے یا سڑکیں چوڑی کرنے سے اس مسئلے کا مستقل حل ممکن نہیں ہوگا۔ انہوں نے عوامی نقل و حمل کے مختلف ذرائع کو بہتر طور پر مربوط کرنے کے ساتھ منظم پارکنگ ڈیجیٹل ٹیکنالوجی اور مؤثر سگنل مینجمنٹ پر زور دیا۔ ٹام ٹام ٹریفک انڈیکس کے مطابق 2025 میں نئی دہلی میں اوسط ٹریفک ہجوم کی سطح 60.2 فیصد رہی جبکہ رش آور کے دوران ڈرائیوروں نے سال بھر میں تقریباً 104 گھنٹے اضافی ٹریفک میں گزارے۔

انہوں نے کہا کہ میٹرو بس ای بس اور آٹو سمیت مختلف ذرائع نقل و حمل کے درمیان بہتر تال میل پیدا کرنے سے شہریوں کے سفر کو زیادہ منظم بنایا جاسکتا ہے۔ ان کے مطابق ٹریفک کا مسئلہ ایک مربوط شہری منصوبہ بندی کے ذریعے حل کرنے کی ضرورت ہے۔بچوں کے تحفظ کو بھی اہم ترجیح قرار دیتے ہوئے سندھیہ باجپئی نے سی سی ٹی وی نگرانی بڑھانے عوامی مقامات کو زیادہ محفوظ بنانے اور POCSO سے متعلق معاملات میں بروقت تحقیقات کی ضرورت پر زور دیا۔ان کے مطابق خواتین کو بااختیار بنانے روزگار صاف توانائی جائیداد کے حقوق ماحولیات ٹریفک انتظام اور شہری تحفظ پر بیک وقت توجہ دی جائے تو دہلی میں شہری زندگی کو زیادہ محفوظ منظم اور سہولت بخش بنایا جاسکتا ہے۔