نئی دہلی: دہلی انٹرنیشنل ایئرپورٹ لمیٹڈ یعنی DIAL نے ہفتہ کو اعلان کیا کہ رن وے 11R/29L جسے عام طور پر تیسرا رن وے کہا جاتا ہے 20 ستمبر 2026 سے دوبارہ آپریشنل ہوجائے گا۔ یہ فیصلہ رن وے کی جامع بحالی کا کام مکمل ہونے اور تمام ضروری ریگولیٹری منظوری ملنے کے بعد کیا گیا ہے۔DIAL جی ایم آر ایرو کی قیادت والے کنسورشیم کا حصہ ہے جو اندرا گاندھی انٹرنیشنل ایئرپورٹ یعنی آئی جی آئی ایئرپورٹ کا انتظام اور آپریشن سنبھالتا ہے۔

رن وے کی بحالی کا منصوبہ فروری 2026 میں شروع کیا گیا تھا۔ اس کے تحت رن وے کو مضبوط بنانے اور جدید بنانے کے لیے بڑے پیمانے پر کام کیا گیا۔ اس کا مقصد ہندوستان کے مصروف ترین ہوائی اڈوں میں شامل دہلی ایئرپورٹ پر آپریشنل سیکیورٹی۔ کارکردگی۔ لچک اور طویل مدتی صلاحیت کو بہتر بنانا تھا۔بحال شدہ رن وے تمام ضروری معائنے۔ تصدیق اور ریگولیٹری منظوری کے مراحل مکمل ہونے کے بعد اب دوبارہ آپریشن کے لیے تیار ہے۔

بحالی کے منصوبے کے تحت DIAL نے ایئر سائیڈ انفراسٹرکچر میں کئی اہم بہتریاں کی ہیں۔ ان میں رن وے کی نئی سطح بچھانا۔ رن وے 29L کی مستقل تھریش ہولڈ تبدیلی۔ نئے ریپڈ ایگزٹ ٹیکسی وے یعنی RET Z1 کی تعمیر۔ ایئر فیلڈ گراؤنڈ لائٹنگ سسٹم کو اپ گریڈ کرنا۔ فرش کو مزید مضبوط بنانا اور متعلقہ سول و الیکٹریکل انفراسٹرکچر میں بہتری شامل ہے۔

ان اقدامات سے رن وے کی کارکردگی بہتر ہونے۔ طیاروں کی آمد و رفت کو زیادہ مؤثر بنانے اور رن وے پر طیاروں کے قیام کا وقت کم ہونے کی توقع ہے۔ مختلف موسمی حالات کے دوران آپریشنل اعتبار سے بھی رن وے کی قابل اعتماد کارکردگی مزید مضبوط ہوگی۔

DIAL نے منصوبے کے دوران ڈائریکٹوریٹ جنرل آف سول ایوی ایشن یعنی DGCA۔ ایئرپورٹس اتھارٹی آف انڈیا یعنی AAI۔ ایئر ٹریفک کنٹرول یعنی ATC۔ ایئرلائنز اور دیگر متعلقہ اداروں کے ساتھ قریبی رابطے میں کام کیا تاکہ تمام حفاظتی۔ آپریشنل اور ریگولیٹری تقاضے پورے کیے جاسکیں۔

مقررہ تمام مراحل کامیابی سے مکمل ہونے کے بعد اب 20 ستمبر سے رن وے پر دوبارہ پروازوں کی آمد و رفت شروع کرنے کی منظوری مل گئی ہے۔

اس موقع پر DIAL کے چیف ایگزیکٹو آفیسر پردیپ پینیکر نے کہا کہ رن وے 11R/29L کو دوبارہ آپریشنل کرنا دہلی ایئرپورٹ کے مستقبل کی ضروریات کے مطابق جدید ہوابازی کا بنیادی ڈھانچہ تیار کرنے کی جانب ایک اہم مرحلہ ہے۔

انہوں نے کہا کہ اس پیچیدہ بحالی منصوبے کی کامیاب تکمیل حفاظت۔ آپریشنل معیار اور مسافروں کو بہتر خدمات فراہم کرنے کے عزم کی عکاسی کرتی ہے۔

انہوں نے مزید کہا کہ اپ گریڈ کیے گئے رن وے کے ساتھ نئے ریپڈ ایگزٹ ٹیکسی وے اور بہتر نیویگیشن و لائٹنگ سسٹم دہلی ایئرپورٹ کی گنجائش اور آپریشنل لچک کو مزید مضبوط کریں گے۔ اس سے ملک میں بڑھتی ہوئی ہوابازی کی ضروریات کو پورا کرنے میں بھی مدد ملے گی۔