آواز دی وائس، نئی دہلی
بھارتیہ جنتا پارٹی (بی جے پی) نے اتر پردیش اسمبلی انتخابات کے لیے 11ویں فہرست جاری کرتے ہوئے تین امیدواروں کے ناموں کا اعلان کیا ہے۔
بدھ کو یہاں بی جے پی کے جنرل سکریٹری ارون سنگھ کی جانب سے جاری ایک پریس ریلیز کے مطابق پارٹی کی سنٹرل الیکشن کمیٹی نے ان ناموں کو منظوری دے دی ہے۔
پارٹی نے سیواپوری اسمبلی سیٹ سے نیل رتن سنگھ پٹیل، رابرٹس گنج سے بھوپیش چوبے اور دودھی سے رام دلار گوڑ کو امیدوار بنایا ہے۔
بی جے پی نے 403 رکنی اتر پردیش اسمبلی انتخابات کے لیے اب تک 367 امیدواروں کے ناموں کا اعلان کیا ہے۔
भारतीय जनता पार्टी की केंद्रीय चुनाव समिति ने उत्तर प्रदेश विधानसभा चुनाव-2022 के लिए निम्नलिखित प्रत्याशियों के नामों पर अपनी स्वीकृति प्रदान की है। pic.twitter.com/1t7NNnGg4w
— BJP (@BJP4India) February 16, 2022
اتر پردیش میں بی جے پی اپنا دل اور نشاد پارٹی کے ساتھ مل کر الیکشن لڑ رہی ہے۔
