آواز دی وائس، دہرادون

اتراکھنڈ کی گورنر بے بی رانی موریہ نے اپنے عہدے سے استعفیٰ دے دیا ہے۔

گورنر کے سکریٹری بی کے سنت نے بتایا کہ موریہ نے صدر رام ناتھ کووند کو اپنا استعفیٰ پیش کیا ہے۔

انہوں نے دو دن پہلے ہی نئی دہلی میں وزیر داخلہ امیت شاہ سے ملاقات کی تھی۔
اس کے بعد سے ان کے استعفی کے بارے میں بحث تیز ہونے لگی۔

موریہ نے اتراکھنڈ کے گورنر کی حیثیت سے تین سال مکمل کیے ہیں۔

بتایا جا رہا ہے کہ وہ آئندہ اتر پردیش اسمبلی انتخابات لڑ سکتی ہیں۔ موریہ آگرہ کی میئر رہ چکی ہیں۔