مکہ:حج اب مکمل ہوچکا ہے،جس کے دوران کورونا کا ایک بھی واقعہ نہیں ہوا ہے۔ کورونا سے مکت حج ایک بڑی کامیابی ہے۔ جس کے لیے بلاشبہ سعودی حکومت قابل ستائش ہے۔محتاط اور محدود حج کے ساتھ ایسے انتظامات کئے گئے تھے کہ کورونا کا سایہ بھی نہیں پڑ سکا۔ مقدس مساجد کی انتظامیہ کے سربراہ اعلیٰ ڈاکٹر عبدالرحمان السدیس نے کہا ہے کہ حج سیزن ختم ہوتے ہی مسجد الحرام مکہ مکرمہ اور مسجد نبوی مدینہ منورہ کو سینیٹائز کیا جائے گا۔
انہوں نے کہا کہ انتظامیہ ویب سائٹ کے ذریعے وعظ اور تقریریں زائرین کی رہنمائی کے لیے بھیجتی رہے گی۔
السدیس نے کہا کہ ’اس سال حجاج نے انتظامی اور صحت ہدایات کی بھرپور پابندی کی۔ تمام زائرین حفاظتی ماسک، سماجی فاصلے اور سینیٹائزنگ کی پابندی کرتے رہے۔ انہوں نے کہا کہ ’حج موسم کی کامیابی پر قیادت کو مبارکباد دیتے ہیں اور پوری دنیا سے یہ کہنا چاہتے ہیں کہ اس سال کا حج امن و سلامتی کا پیغام تھا۔ علاوہ ازیں ڈاکٹر عبدالرحمان السدیس نے کہا کہ اس سال دوران حج ڈیجیٹل ایپلی کیشنز کا بڑے پیمانے پر استعمال کیا گیا۔
ڈاکٹر السدیس نے کہا کہ ’حج موسم میں مصنوعی ذہانت پر بڑا انحصار کیا گیا۔ حج سہولتوں کی فراہمی میں مصنوعی ذہانت سے کام لیا گیا
ان کے مطابق سعودی عرب مقدس مساجد کی خدمت کے لیے ہر ممکن کوشش کررہا ہے۔ سعودی وژن 2030 کا تقاضا ہے کہ ترقی سے ہم آہنگ سہولتیں مہیا ہوں۔ انہوں نے کہا کہ مسجد الحرام کو سینیٹائز کرنے کے لیے سمارٹ روبوٹس سے کام لیا گیا۔ آب زمزم کی بوتلیں روبوٹ کے ذریعے تقسیم کرائی گئی ہیں۔ زائرین کی رہنمائی کے لیے روبوٹ کا سہارا لیا گیا۔ وزارت حج و عمرہ، وزارت صحت اور سکیورٹی فورسز کے ساتھ مل کر مقدس مساجد کی انتظامیہ نے حج موسم کو کامیاب بنانے میں حصہ لیا۔
Continuous Deep Cleaning of Masjid Al Haram throughout #Hajj to maintain safety and uphold the Islamic Practice of Cleanliness and Purity as part of the wide range of precautionary measures undertaken by the Presidency of the Two Holy Mosques. #haramaininfo pic.twitter.com/wkFxU9WSF8
— 𝗛𝗮𝗿𝗮𝗺𝗮𝗶𝗻 (@HaramainInfo) July 22, 2021