نئی دہلی

کورونا کا مہلک وائرس رکنے کا نام نہیں لے رہا ہے - گزشتہ 24 گھنٹے کے دوران کورونا وائرس (کووڈ-19) کے 68 ہزار سے زیادہ نئے کیسز سامنے آئے ہیں جبکہ اس کی وجہ سے مرنے والوں کی تعداد 291 تک پہنچ گئی ہے ۔ اس سے قبل اتوار کے روز کورونا وائرس کے 62714 نئے متاثرین درج ہوئے تھے۔

ہفتے کے روز 62258 متاثرین ملے تھے، جمعہ کے روز 58886، جمعرات کے روز 53476، بدھ کے روز 47262 ، منگل کے روز 40715 اور پیر کے روز 46951 نئے متاثرین درج کیے گئے تھے۔ مرکزی وزارت صحت کی جانب سے پیر کی صبح جاری ہونے والے اعداد و شمار کے مطابق گزشتہ 24 گھنٹے کے دوران کورونا وائرس کے 68020 نئے متاثرین سامنے آئے ہیں، جس سے متاثرین کی مجموعی تعداد ایک کروڑ 20 لاکھ 39 ہزار 644 ہوگئی ہے۔

اس عرصے کے دوران 22231 مریض صحت یاب ہوئے ہیں، جس سے اب تک 11355993 متاثرین شفایاب ہوچکے ہیں۔ جبکہ زیر علاج مریضوں کی تعداد اب پھر سے بڑھ 521808 ہوگئی ہے۔ اس عرصے میں مزید 291 مریضوں کے فوت ہونے سے اس بیماری سے ہونے والی اموات کی مجموعی تعداد 161843 ہوگئی ہے۔ ملک میں شفایابی کی شرح جزوی طور پر کم ہوکر 94.32 فیصد ہوگئی ہے اور زیر علاج مریضوں کی شرح بڑھ کر 4.33 فیصد ہوگئی ہے جبکہ اموات کی شرح کم ہوکر 1.34 فیصد ہوگئی ہے۔

مہاراشٹر کورونا وائرس کے کورونا کے مریضوں کے معاملے میں سرفہرست ہے اور ریاست میں 24 گھنٹے کے دوران مریضوں کی تعداد 22432 بڑھا کر 327241 ہوگئی ہے۔ گزشتہ 24 گھنٹے کے دوران ریاست میں مزید 17874 افراد صحتیاب ہوئے ہيں ، جس سے ریاست میں شفایاب ہونے والوں کی تعداد 2332453 ہوگئی، جبکہ 108 مریضوں کے انتقال ہونے سے اموات کی تعداد بڑھ کر 54181 ہوگئی ہے