واشنگٹن

جان لیوا اور مہلک ترین عالمی وبا کورونا وائرس سے بری طرح متاثر امریکہ میں اب تک 5.41 لاکھ سے زیادہ افراد ہلاک ہوچکے ہیں۔ اس وبا نے امریکہ میں بد ترین شکل اختیار کرلی ہے اور اب تک اس سے 2.97 کروڑ سے زیادہ افراد متاثر ہوچکے ہیں۔

جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق امریکہ میں کورونا سے ہلاک شدگان کی تعداد 5 لاکھ 41 ہزار 907 ہوگئی ہے ، جبکہ متاثرہ افراد کی تعداد 2 کروڑ 97 لاکھ 80 ہزار 301 ہوگئی ہے۔ کورونا وائرس سے بری طرح متاثر امریکہ کی کیلیفورنیا ، نیویارک اور نیو جرسی سب سے زیادہ متاثر ریاستیں ہیں۔ ابھی تک کووڈ ۔19 سے کیلیفورنیا میں 57،430 افراد ہلاک ہوچکے ہیں۔

نیویارک میں 49،401 ، ٹیکساس میں 47،297 ، فلوریڈا میں 32،713 ، نیو جرسی میں24،134 افراد اس وبا کی وجہ سے ہلاک ہوئے ہیں۔ وہیں مشی گن میں 16،903 ، میساچوسیٹس میں 16،832 اور جارجیا میں 18،502 لوگوں نے اپنی جانیں گنوائی ہیں۔ خیال رہے ملک میں کورونا ویکسینیشن مہم بھی بڑے پیمانے پرجاری ہے۔