آج سے 18سال سے زیادہ عمر والے شہریوں کےلئےمفت ویکسین

Story by  ایم فریدی | Posted by  [email protected] | 2 Years ago
مفت ویکسین
مفت ویکسین

 

 

آواز دی وائس:نئی دہلی 

 ریاستوں اور یونین ٹیریٹریز کے پاس 3.06 کروڑ سے زیادہ کورونا کے ٹیکے ہیں اور اگلے تین دن کے اندر مزید 24 لاکھ سے زیادہ ٹیکہ دستیاب کرا دیئے جائیں گے۔ 

مرکزی حکومت کے فیصلہ کے مطابق آ ج سے ہر ریاست کے 18 سال سے زیادہ عمر والے ہر شہری کو مفت ویکسین دی جائے گی۔ ویکسین کا کل 75 فیصدی حصہ مرکزی حکومت خود خریدے گی اور ریاستی حکومت کو مفت دے گی۔ باقی 25 فیصد ویکسین پرائیویٹ اسپتال خرید سکتے ہیں۔ مرکزی حکومت نے پرائیویٹ اسپتالوں کے ذریعہ ٹیکہ لگوانے کے لئے قیمت طے کر دی ہے۔ واضح رہے پرائیویٹ اسپتال صارفین سے ایک ڈوز پر زیادہ سے زیادہ 150 روپے ہی سروس چارج لے سکتے ہیں۔ ریاستی حکومتوں کو اس پر نظر رکھنی ہوگی۔

 مرکزی حکومت نے کئی ریاستوں میں کووڈ ٹیکہ کی کمی کے بیچ اتوار کو اعلان کیا ہے کہ ریاستوں اور یونین ٹریٹریز کے پاس ابھی 3.06 کروڑ سے زیادہ ٹیکہ موجود ہیں اور اس کےعلاوہ اگلے تین دنوں میں مرکز مزید 24 لاکھ ٹیکہ فراہم کرائے گی۔ واضح رہے اب تک ریاستوں اور یونین ٹریٹریز کو 29.10 کروڑ سے زیادہ ویکسین مرکز نے دی ہے۔

 واضح رہے ٹیکہ کاری کو کورونا سے لڑائی میں سب سے اہم ہتھیار کہا جا رہا ہے اور پوری دنیا میں ٹیکہ کاری کی مہم زوروں پر ہے۔ ہندوستان میں یہ مہم ٹیکوں کی مبینہ کمی کی وجہ سے کمزور پڑ گئی تھی اور لوگوں میں بے چینی پیدا ہو گئی تھی۔ کانگریس کے سابق صدر راہل گاندھی نے شروع سے اس بات پر زور دیا ہے کہ ٹیکہ ہی کورونا کی آمد کا راستہ بند کر سکتا ہے۔