آواز دی وائس : لیجئے میسجنگ ایپ واٹس ایپ نے ایک اور فیچر کا اعلان کیا ہے ،بہت جلد ہی ایک ایسا فیچر متعارف کروائے گا جس کے تحت صارفین واٹس ایپ پر موصول ہونے والی ویڈیوز اور تصاویر کو اب صرف ایک ہی بار دیکھ سکیں گے۔
واٹس ایپ کی ہر سرگرمی پر نظر رکھنے والی ویب سائٹ ویب بیٹا انفو کے مطابق واٹس ایپ جلد ایک فیچر متعارف کروانے والا ہے جو صارفین کو ایسی تصاویر اور ویڈیوز بھیجنے کی اجازت دے گا جو صرف ایک ہی بار دیکھی جاسکیں گی۔
اس فیچر کے ذریعے صارفین کو یہ سہولت مہیا کی جائے گی کہ جس شخص کو پیغام بھیجا جائے گا اس کے دیکھنے کے بعد وہ خود بخود فوری طور پر ڈیلیٹ ہوجائے گا۔
زیر نظر فیچر کو ان ایبل کرنے کے بعد آپ کا بھیجا گیا پیغام صرف ایک بار ہی کھل سکے گا البتہ صارف پیغام ڈیلیٹ ہونے سے قبل اسکرین شاٹ لے سکتا ہے۔
اس فیچر کے تحت پیغام وصول کرنے والے کھولنے کے بعد واٹس ایپ پر پیغام بھیجنے والا صارف تصدیق بھی کرسکے گا۔
رپورٹ کے مطابق اس فیچر کے تحت صارفین موبائل اسپیس کی بچت بھی کرسکیں گے جب کہ فیچر جلد ہی متعارف کروائے جائے گا۔ خیال رہے کہ اس سے قبل واٹس ایپ کی جانب سے ایک ایسا نیا فیچر بھی متعارف کروانے کا اعلان کیا جاچکا ہےجو صارفین کو انٹرنیٹ کنکشن کے بغیر کئی ڈیوائسز پر واٹس ایپ استعمال کرنے کی سہولت فراہم کرے گا۔
WhatsApp will release a feature that allows you to send photos and videos that can only be viewed once. You can also verify if the recipient has opened the media.
— WABetaInfo (@WABetaInfo) June 22, 2021
This feature will be available in a future update on #WhatsApp for Android, iOS and Web/Desktop.@WABetaInfo 💚 pic.twitter.com/y1dIBGcDiq