واٹس ایپ چیٹ کو کن چار طریقوں سے محفوظ بنایا جائے؟

Story by  ایم فریدی | Posted by  [email protected] | 3 Years ago
 واٹس ایپ  میں اب چیٹ کومحفوظ کیا جا سکتا ہے
واٹس ایپ میں اب چیٹ کومحفوظ کیا جا سکتا ہے

 

 سوشل اینڈ میسجنگ موبائل ایپلی کیشن واٹس ایپ نے اپنے یوزرس کے لیے ان کی چیٹ کو محفوظ بنانے کے لیے چار طریقے تجویزکئے ہیں۔ واٹس ایپ کی جانب سے سماجی رابطے کی ویب سائٹ ٹویٹر پر ایک ٹویٹ کی گئی ہے جس میں واٹس ایپ نے صارفین کو اپنی چیٹ محفوظ بنانے کے لیے چار طریقوں سے آگاہی فراہم کی ہے۔

ٹو اسٹیپ ویری فکیشن

ویڈیو میں پلیٹ فارم نے پہلا آپشن ٹواسٹیپ ویری فکیشن بتایا ہے جس کی موجودگی میں کوئی غیرمتعلقہ شخص واٹس ایپ صارف کے اکاؤنٹ تک رسائی حاصل نہیں کرسکتا۔یہ فیچر استعمال کرنے کے لیے صارفین کو واٹس ایپ کی سیٹنگ میں جاکر اکاؤنٹ کا انتخاب کرکے 6 ہندسوں کا کوڈ ڈالنا ہوگا جس کے بعد یہ آپشن فعال ہو جائے گا۔اگر کوئی صارف سیکیورٹی کوڈ بھول جائے تو اسے ای میل کے ذریعے تبدیل کرا سکے گا۔

رپورٹنگ اسپیم

اگر کوئی ایسا شخص جو آپ کے کانٹیکٹ لسٹ میں شامل نہ ہونے کے باوجود آپ کو میسیج بھیج رہا ہے یا پھر اگر کوئی میسیج آپ کو مشکوک محسوس ہو رہا ہے تو آپ اس کی اطلا فوری طور پر واٹس ایپ کو  دے سکتے ہیں۔ اس نمبر سے بھیجے گئے میسیج پر جب آپ کلک کریں گے تو آپ کی موبائل اسکرین پر تین آپشن نمودار ہوں گے، آپ ان میں رپورٹ کا آپشن منتخب کرکے واٹس ایپ کو اطلاع کر سکتے ہیں۔اس طریقہ کار میں واٹس ایپ نے صارفین کو  واٹس ایپ گروپ میں شامل ہونے کے طریقے کار سے متعلق بھی آگاہ کیا ہے۔

ذاتی معلومات

واٹس ایپ انتظامیہ آپ کو پرسنل پروفائل کانٹیکٹ میں شامل شامل ہر فرد یا پھر کسی کے ساتھ بھی شیئر نہ کرنے کا آپشن فراہم کرتا ہے، اس آپشن کے ذریعے آپ اپنی خواہش کے تحت کوئی بھی آپشن منتخب کر سکتے ہیں۔ آپ اپنی پروفائل فوٹو کو تمام کانٹیکٹس یا پھر کسی کے ساتھ بھی شیئر نہ کریں یہ آپ کی مرضی ہے۔

کوئی بھی آپ کا پیغام نہیں پڑھ سکتا

اس طریقہ کار میں واٹس ایپ کی جانب سے ایک بار پھر صارفین کو یقین دہانی کروائی گئی ہے کہ کوئی بھی آپ کے پیغامات نہیں پڑھ سکتا۔واٹس ایپ کے مطابق صارفین کی چیٹ مکمل طور پر ذاتی ہے،کوئی بھی شخص انہیں نہ دیکھ سکتا ہے اور نہ پڑھ سکتا ہے، یہاں تک کہ پلیٹ فارم بھی نہیں۔