تیس چالیس لاکھ روپئے کے ٹی وی سیٹس ہیں شاہ رخ خان کے پاس

Story by  ایم فریدی | Posted by  Shah Imran Hasan | 1 Years ago
تیس چالیس لاکھ روپئے کے ٹی وی سیٹس ہیں شاہ رخ خان کے پاس
تیس چالیس لاکھ روپئے کے ٹی وی سیٹس ہیں شاہ رخ خان کے پاس

 

 

ممبئی:اداکار شاہ رخ خان اپنے گھر سے متعلق دلچسپ حقائق بتا کر مداحوں حیرت میں مبتلا کرنے کا فن بخوبی جانتے ہیں، جس کا مظاہرہ انہوں نے حال ہی میں ایک ایونٹ کے دوران کیا۔

ایک ٹیلی ویژن برانڈ کے شو میں شرکت کے دوران شاہ رخ خان کا کہنا تھا کہ ان کے گھر میں ایک نہیں کئی ٹیلی ویژن ہیں۔ شاہ رخ نے شوکے دوران سامعین سے گفتگو کرتے ہوئے کہا کہ میرے اپنے کمرے میں ایک ٹیلی ویژن ہے، بچوں کے کمروں میں، یہاں تک کے چھوٹے بیٹے کے کمرے میں بھی ٹیلی ویژن ہے۔

انہوں نے بتایا کہ ان کے گھر میں موجود ٹیلی ویژن سیٹس کی قیمتیں ایک اور ڈیڑھ لاکھ بھی ہے، جب کہ ان کے لیے مجموعی طور پر 30 سے 40 لاکھ روپے خرچ کیے ہیں۔

ایونٹ میں شاہ رخ خان کی اس گفتگو کی ویڈیو سوشل میڈیا پر وائرل ہوئی تو سوشل میڈیا صارفین کی جانب سے بھی دلچسپ تبصروں کا سلسلہ شروع ہوگیا۔

ایک صارف نے تبصرہ کیا کہ شاہ رخ خان کے گھر میں 30 سے 40 لاکھ کے صرف ٹیلی ویژن ہیں، تو میں تو اب اپنے آپ کو ایک غریب محسوس کر رہا ہوں۔

ایک نے شاہ رخ خان سے کہا کہ صرف ایک ٹیلی ویژن گفٹ میں دے دیں، میں آپ کا شکر گزار ہوں گا۔