ممبئی

کنگنارناوت ایک بار پھر متنازعہ بیان کے سبب سرخیوں میں ہیں اور سوشل میڈیا پر ٹرول ہورہی ہیں۔

بالی ووڈ اداکارہ کنگنا رناوت نےملک میں آبادی کو کنٹرول کرنے کیلئے عجیب و غریب مطالبہ کیاہے۔

انھوں نے تیسرے بچے کی پیدائش پر والدین کو سزا دینے کا کہہ دیاہے۔

سماجی رابطے کی ویب سائٹ ٹوئٹر پر کنگنا رناوت نے لکھا کہ ہمیں آبادی کنٹرول کرنے کیلئے سخت قوانین بنانا چاہییں، یہ سچ ہے کہ اندرا گاندھی الیکشن ہار گئیں تھیں اور بعد میں انہیں اس مسئلے کو اٹھانے پر مار دیا گیا تھا۔

انہوں نے کہا کہ موجودہ وقت میں بحران کے پیش نظر تیسرے بچے کی پیدائش پر والدین کو جیل میں ڈالنا یا کم از کم جرمانہ عائد کرنا چاہیے۔

اس بیان کے بعد سوشل میڈیا پر اداکارہ کو خوب تنقید کا نشانہ بنایا گیا اور سوشل میڈیا صارفین کا کہنا ہے کہ اداکارہ کے خود مزید 2 بہن بھائی ہیں۔

واضح رہے کہ کنگنا رناوت اب اداکاری کی بجائے متنازع بیانات کے باعث زیادہ تر شہ سرخیوں میں رہتی ہیں۔ (ایجنسی ان پٹ)

We need strict laws for population control, enough of vote politics it’s true Indira Gandhi lost election and later was killed for taking this issue head on she forcefully sterilised people but looking at crisis today at least there should be fine or imprisonment for third child.

— Kangana Ranaut (@KanganaTeam) April 20, 2021