فلمی دنیا محیں ’بھائی جان‘ کہلانے والے اداکار سلمان خان نے اپنی نئی فلم ’انتم: دا فائنل ٹروتھ‘ کے ریلیز ہونے کی تاریخ کا اعلان کردیا ہے۔
اپنی ایک ٹویٹ میں سلمان خان نے اعلان کیا کہ ان کی فلم رواں برس 26 نومبر کو ریلیز ہوگی۔
انتم: دا فائنل ٹروتھ‘ میں سلمان خان ایک سکھ پولیس والے کے کردار میں نظر آئیں گے اور ان کے ساتھ ہوں گے ان کے بہنوئی آیشمان شرما جو کہ اس فلم میں منفی کردار ادا کررہے ہیں۔
— Salman Khan (@BeingSalmanKhan) October 12, 2021
انسٹاگرام پر اپنی ایک پوسٹ میں آیشمان نے فلم کا پوسٹر شیئر کرتے ہوئے لکھا کہ ’انتم کا انتظار ہوا ختم۔
فلم کے ہدایت کار ہیں مہیش منجریکر جو بحیثیت اداکار سلمان خان کے ساتھ ان کی فلم ’وانٹڈ‘ میں بھی کام کرچکے ہیں، جبکہ فلم کی پروڈیوسر سلمان خان کی اپنی والدہ سلمیٰ خان ہیں۔
اس فلم کے بعد سلمان خان کی اگلی فلم ’ایک تھا ٹائیگر:3‘ ریلیز ہوگی جس کی شوٹنگ جاری ہے اور اس فلم میں بھی کترینہ کیف ان کے ساتھ نظر آئیں گی۔