ممبئی : ڈرامہ کوئن کہلانے والی اداکارہ راکھی ساونت کے شوہر نے بلآخر مداحوں کا انتظار ختم کرادیا۔
راکھی نے اپنے شوہر کے ہمراہ رئیلیٹی شو بگ باس سیزن 15 کی گزشتہ روز کی قسط میں وائلڈ کارڈ کے طور پر انٹری کی ہے۔
راکھی کے شوہر کو شو میں دیکھ کر جہاں مداح حیرانی میں مبتلا تھے وہیں بگ باس کے گھر والے بھی بے یقینی کی سی کیفیت میں دکھائی دیے۔
بگ باس کے رواں سیزن کے آغاز سے قبل یہ خبر دی گئی تھی کہ راکھی اس شو میں شوہر رتیش کے ہمراہ داخل ہوں گی لیکن اداکارہ کی جانب سے خبر کی تصدیق نہیں کی گئی تھی تاہم اب راکھی کے شوہر سامنے آچکے ہیں۔