بالی ووڈ کی معروف پلے بیک سنگر لتا منگیشکر کو ہندوستانی سنیما کے معروف اداکار شہنشاہ جذبات دلیپ کمار کے انتقال سے گہرا صدمہ پہنچا ہے۔
دلیپ کمار کی موت سے فلم انڈسٹری میں سوگ کی لہر دوڑ گئی ہے۔
دلیپ کمار کو یاد کرتے ہوئے لتا منگیشکر بہت جذباتی ہو گئیں اور انہوں نے بہت ہی جذباتی ٹویٹ کیا۔
لتا منگیشکر دلیپ کمار کو اپنا بھائی سمجھتی تھیں اور ہر برس انہیں راکھی باندھتی تھیں۔
यूसुफ़ भाई आज अपनी छोटीसी बहन को छोड़के चले गए.. यूसुफ़ भाई क्या गए, एक युग का अंत हो गया. मुझे कुछ सूझ नहीं रहा. मैं बहुत दुखी हूँ, नि:शब्द हूँ.कई बातें कई यादें हमें देके चले गए.
— Lata Mangeshkar (@mangeshkarlata) July 7, 2021
لتا نے اپنے ٹویٹ میں لکھا کہ یوسف بھائی نے آج اپنی چھوٹی بہن کو چھوڑ دیا ہے…یوسف بھائی چلے گئے ، ایک عہد کا خاتمہ ہوگیا۔ مجھے کچھ سمجھ میں نہیں آرہا ہے۔ میں بہت اداس ہوں، میرے پاس کوئی الفاظ نہیں ہیں۔ کئی باتیں اور کئی یادیں ہمیں دے کر چلے گئے۔
لتا مینگیشکر نے مزید لکھا کہ یوسف بھائی گزشتہ کئی برسوں سے بیمار تھے ، کسی کو پہچان نہیں سکتے تھے ، ایسے وقت سائرہ بھابھی نے سب کچھ چھوڑ دیا تھا اور دن رات ان کی خدمت کرتی تھیں ، ان کے لئے دوسری کوئی زندگی نہیں تھی۔ میں ایسی عورت کو سلام پیش کرتی ہوں اور دعا کرتی ہوں کہ یوسف بھائی کی روح کو سکون ملے۔
