کراچی
اردو کی معروف ڈرامہ نویس، مصنفہ اور مکالمہ نگار حسینہ معین کا کراچی میں انتقال ہو گیا ہے۔ 79 سالہ حسینہ معین کا انتقال حرکت قلب بند ہونے کی وجہ سے ہوا ۔ ان کی نماز جنازہ جمعہ کے روز بعد نمازِ عصر کراچی میں ہی ادا کی جائے گی۔
حسینہ معین 20 نومبر1941ء کو کانپور میں پیدا ہوئیں، انہوں نے ابتدائی تعلیم کانپور سے حاصل کی۔ حسینہ معین نے کراچی یونیورسٹی سے 1963 میں تاریخ میں ماسٹرزکیا۔
ادب کی دنیا میں نام روشن کرنے والی حسینہ معین نے پی ٹی وی کی مقبول ترین ڈرامہ نویس کا اعزاز بھی جیتا ہے۔ حسینہ معین نے پی ٹی وی کے لیے بہت سے یادگار ڈرامے لکھے جن میں شہزوری، زیر زبر پیش، انکل عرفی، ان کہی، تنہائیاں، دھوپ کنارے، دھند، آہٹ، کہر، پڑوسی، آنسو، بندش، آئینہ شامل ہیں۔
حسینہ معین کی لکھی ہوئی پاکستانی فلموں میں پہلی فلم ’یہاں سے وہاں تک‘ تھی جس میں وحید مراد نے مرکزی کردار نبھایا تھا۔
حسینہ معین کے ساتھ کنول نصیر کے انتقال کی بھی خبر ہے ۔ کنول نصیر پاکستان کی پہلی ٹیلی ویژن پریزنٹر اور اینکر تھیں ۔
We have lost two incredible women and legends of the Pakistani TV industry, Haseena Moin and Kanwal Naseer. Haseena Moin was an iconic playwright who was renowned for empowering women characters in her plays. Kanwal Naseer was Pakistan’s first television presenter and anchor. pic.twitter.com/7oghLfYdbL
— U.S. Embassy Islamabad (@usembislamabad) March 26, 2021
ان کے انتقال کی خبر آنے کے بعد ٹویٹر پرتعزیتی پیغامات کا ایک لامتناہی سلسلہ شروع ہو گیا