احمد آباد :گجرات اے ٹی ایس نے انڈین کوسٹ گارڈ اور مرکزی خفیہ ایجنسیوں کے ساتھ مشترکہ کارروائی کرتے ہوئے لکشدیپ کے مغرب میں ہندوستانی سمندری حدود میں ایک ایرانی کشتی سے تقریباً 526 کلو ہیروئن اور میتھ ایمفیٹامین برآمد کی ہے۔ گجرات پولیس کے مطابق ہندوستان میں مطلوب منشیات اسمگلر حاجی سلیم اور اس کے ساتھیوں نے ایران سے ہندوستان میں منشیات کی یہ کھیپ بھیجنے کا منصوبہ بنایا تھا۔گجرات پولیس کے مطابق 10 ستمبر کو تقریباً 500 کلو میتھ ایمفیٹامین اور ہیروئن ہندوستان میں اسمگل کرنے کی سازش سے متعلق خفیہ اطلاع موصول ہوئی تھی۔ بتایا گیا کہ یہ کھیپ ایرانی کشتی آزاد کے ذریعے لائی جانی تھی اور ہندوستانی سمندری حدود میں اسے تمل ناڈو سے تعلق رکھنے والی ایک کشتی کے حوالے کیا جانا تھا۔ اس کے لیے ممبئی کوچین لکشدیپ کے درمیان سمندری علاقے کا انتخاب کیا گیا تھا۔

پولیس کے مطابق ہندوستان میں مطلوب منشیات اسمگلر حاجی سلیم اور اس کے ساتھیوں نے تقریباً 15 سے 20 دن کے اندر ایرانی کشتی کے ذریعے یہ کھیپ ہندوستان بھیجنے کا منصوبہ بنایا تھا۔تحقیقات کے مطابق کھیپ کو تمل ناڈو کے ساحل کے قریب اتارا جانا تھا۔ اس کے بعد اسے چھوٹی مقدار میں مختلف گاڑیوں کے ذریعے پنجاب میں موجود ایک نائجیریائی شہری تک پہنچایا جانا تھا۔

پولیس کے مطابق کھیپ کی مالیت کے ایک حصے کی پیشگی ادائیگی حوالہ کے ذریعے کی جا چکی تھی۔ باقی رقم منشیات کی ترسیل کے بعد حوالہ کے ذریعے منتقل کی جانی تھی۔گجرات اے ٹی ایس کو یہ بھی اطلاع ملی تھی کہ ایک نائجیریائی شہری نے ایک درمیانی شخص کے ذریعے احمد آباد میں منشیات کے لین دین کے سلسلے میں ملاقات کی تھی۔ اس ملاقات کے دوران تقریباً 500 کلو میتھ ایمفیٹامین اور ہیروئن کا آرڈر دیے جانے کی اطلاع تھی۔

خفیہ اطلاع ملنے کے بعد گجرات اے ٹی ایس نے دہلی میں انڈین کوسٹ گارڈ ہیڈکوارٹر سے رابطہ کیا۔ گجرات اے ٹی ایس کے سپرنٹنڈنٹ آف پولیس کے سدھارتھ کی نگرانی میں پولیس انسپکٹر بی ایچ کوروٹ اور وی این واگھیلا کی قیادت میں ایک ٹیم کو کیرالہ کے کوچین بھیجا گیا۔ وہاں اس ٹیم نے کوسٹ گارڈ کے سینئر افسران کے ساتھ مل کر مشترکہ ٹیم تشکیل دی۔مشترکہ ٹیم نے کوسٹ گارڈ کی ایک کشتی کے ذریعے متعلقہ سمندری علاقے میں مشتبہ کشتیوں کی نگرانی اور جانچ شروع کی۔ 25 ستمبر کو خفیہ اطلاع کی بنیاد پر شناخت کی گئی کشتی لکشدیپ کے مغرب میں ہندوستانی سمندری حدود میں موجود ملی۔ کوسٹ گارڈ نے اسے روک لیا۔

گجرات پولیس کے مطابق اے ٹی ایس اور کوسٹ گارڈ کے اہلکاروں نے کشتی پر سوار ہو کر تلاشی لی۔ بعد میں کشتی کو بدھ کے روز ممبئی لایا گیا۔ایرانی کشتی پر 5 پاکستانی شہری سوار تھے۔ ان کی شناخت محمد یعقوب بلوچ۔ شاکر اللہ۔ فرید اللہ۔ احمد خان اور وحید اللہ خان کے طور پر ہوئی ہے۔ پولیس کے مطابق یہ تمام افراد پاکستان کے شہر پشاور کے رہنے والے ہیں۔

حکام نے کشتی سے تقریباً 400 کلو میتھ ایمفیٹامین اور 126 کلو ہیروئن برآمد کی۔ اس طرح ضبط کی گئی منشیات کی مجموعی مقدار تقریباً 526 کلو ہوگئی۔ابتدائی پوچھ گچھ کے دوران معلوم ہوا کہ آزاد نامی کشتی ایران کے کونارک سے روانہ ہوئی تھی۔ بتایا گیا