نئی دہلی: ہندوستان اور افغانستان کے درمیان اتوار کو نئی دہلی کے ارون جیٹلی اسٹیڈیم میں کھیلے گئے پہلے ٹی ٹوئنٹی میچ سے قبل قومی گیت ’’وندے ماترم‘‘ بجایا گیا۔ اس کے بعد قومی ترانہ ’’جن گن من‘‘ پیش کیا گیا۔میچ سے قبل دونوں ٹیمیں میدان میں موجود تھیں۔ اس دوران سب سے پہلے ہندوستان کا قومی گیت ’’وندے ماترم‘‘ بجایا گیا۔ اس کے بعد قومی ترانہ ’’جن گن من‘‘ پیش کیا گیا۔
لوک سبھا اور راجیہ سبھا نے جولائی میں صوتی ووٹ کے ذریعے قومی اعزاز کی توہین کی روک تھام ترمیمی بل 2026 منظور کیا تھا۔ اس قانون کے تحت قومی گیت ’’وندے ماترم‘‘ کی راہ میں رکاوٹ ڈالنا یا اس کی توہین کرنا قابل سزا جرم قرار دیا گیا ہے۔ اپوزیشن ارکان کے ہنگامے کے درمیان مختصر بحث کے بعد یہ بل منظور کیا گیا تھا۔
یہ ترمیمی بل 24 جولائی کو راجیہ سبھا میں پیش کیا گیا تھا۔ قانون میں قومی پرچم ہندوستان کے آئین اور قومی ترانے کی توہین پر سزا مقرر کی گئی ہے۔ ترمیم کے ذریعے ’’وندے ماترم‘‘ کو بھی قومی ترانے کے مساوی قانونی تحفظ فراہم کیا گیا ہے۔ یہ قانون اب باضابطہ طور پر نافذ ہو چکا ہے۔
ہندوستان نے دہلی کے ارون جیٹلی اسٹیڈیم میں افغانستان کے خلاف 3 ٹی ٹوئنٹی میچوں کی سیریز کے پہلے میچ میں ٹاس جیت کر پہلے گیند بازی کا فیصلہ کیا۔
اسٹار فاسٹ بولر جسپریت بمراہ آئی پی ایل 2026 کے بعد پہلی مرتبہ ٹی ٹوئنٹی میچ میں ہندوستانی ٹیم میں واپس آئے ہیں۔ وہیں ویبھو سوریہ ونشی کو ٹیم میں جگہ نہیں مل سکی۔ ان کی جگہ وکٹ کیپر بلے باز سنجو سیمسن کو پلیئنگ الیون میں شامل کیا گیا ہے۔ سوریہ ونشی نے زمبابوے کے خلاف ٹی ٹوئنٹی سیریز میں شاندار کارکردگی کا مظاہرہ کیا تھا۔
قابل ذکر ہے کہ یہ سیریز ہندوستان کے لیے بیرون ملک سیریز تصور کی جا رہی ہے۔ افغانستان کو باضابطہ میزبان ٹیم قرار دیا گیا ہے حالانکہ تمام میچ دہلی میں کھیلے جا رہے ہیں۔
ہندوستان اور افغانستان کے درمیان پہلے ٹی ٹوئنٹی کی پلیئنگ الیون۔
ہندوستان: سنجو سیمسن۔ ابھیشیک شرما۔ ایشان کشن۔ شریاس ایر۔ کپتان۔ تلک ورما۔ نتیش کمار ریڈی۔ شیوم دوبے۔ اکشر پٹیل۔ ارشدیپ سنگھ۔ جسپریت بمراہ۔ ورون چکرورتی۔
افغانستان: ابراہیم زدران۔ کپتان۔ رحمان اللہ گرباز۔ صدیق اللہ اتل۔ درویش رسولی۔ عظمت اللہ عمرزئی۔ گلبدین نائب۔ محمد نبی۔ راشد خان۔ مجیب الرحمٰن۔ نور احمد۔ فضل الحق فاروقی۔
