نئی دہلی: نمو بھارت کوریڈور نے 5 کروڑ مسافر سفروں کا اہم سنگ میل عبور کرلیا ہے۔ سرکاری بیان کے مطابق کوریڈور نے آخری 1 کروڑ مسافر سفر صرف 93 دن میں مکمل کیے، جو اب تک کا ریکارڈ ہے۔ بیان کے مطابق اگست، ستمبر اور اکتوبر کے دوران ہر ماہ 32 لاکھ سے زیادہ مسافر سفروں کا اندراج ہوا، جو اس کوریڈور میں مسلسل بڑھتی ہوئی مسافر مانگ کی عکاسی کرتا ہے۔ گزشتہ ایک سال کے دوران ہی 3 کروڑ سے زیادہ مسافر سفر ریکارڈ کیے گئے، جس سے ہندوستان کے پہلے علاقائی تیز رفتار ٹرانزٹ نظام (آر آر ٹی ایس) کی بڑھتی ہوئی مقبولیت کا اندازہ ہوتا ہے۔ 21 اکتوبر 2023 کو صاحب آباد سے دوہائی ڈپو کے درمیان 17 کلومیٹر طویل ترجیحی حصے کے افتتاح کے ساتھ خدمات شروع ہوئی تھیں۔

اس کے بعد پہلے 1 کروڑ مسافر سفر کا سنگ میل 16 مئی 2025 کو 574 دن میں حاصل ہوا۔ 2 کروڑ کا ہندسہ 11 دسمبر 2025 کو 211 دن میں، 3 کروڑ کا ہندسہ 2 مئی 2026 کو 143 دن میں اور 4 کروڑ کا ہندسہ 10 اگست 2026 کو 101 دن میں عبور کیا گیا۔ اس کے بعد 10 نومبر 2026 کو کوریڈور نے 5 کروڑ مسافر سفروں کا ہدف حاصل کیا اور آخری 1 کروڑ سفر صرف 93 دن میں مکمل کیے۔ سرکاری بیان کے مطابق گزشتہ ایک سال میں کوریڈور پر مسافروں کی تعداد میں 3 کروڑ سے زیادہ کا اضافہ ہوا ہے۔

دسمبر 2025 میں 2 کروڑ مسافر سفروں سے بڑھ کر نومبر 2026 میں یہ تعداد 5 کروڑ تک پہنچ گئی۔ اسی دوران 22 فروری 2026 کو پورے نمو بھارت کوریڈور کے ساتھ میرٹھ میٹرو کو بھی عوام کے لیے شروع کردیا گیا۔ مسافروں کی تعداد میں مسلسل اضافہ اس بات کی نشاندہی کرتا ہے کہ علاقائی آمدورفت کی بدلتی ہوئی ضروریات پوری کرنے میں نمو بھارت کی اہمیت بڑھ رہی ہے۔ ماہانہ مسافروں کے اعداد و شمار کے مطابق اگست 2026 میں کوریڈور پر 35.25 لاکھ مسافر سفر ریکارڈ کیے گئے اور روزانہ اوسط مسافر تعداد 1,13,708 رہی۔ 28 اگست کو ایک دن میں سب سے زیادہ 1,68,666 مسافر سفروں کا ریکارڈ قائم ہوا۔ ستمبر میں 32.41 لاکھ مسافر سفر ریکارڈ کیے گئے، جبکہ روزانہ اوسط تعداد 1,08,043 رہی۔ اکتوبر میں 33.49 لاکھ مسافر سفروں کے ساتھ روزانہ اوسط مسافر تعداد 1,08,049 رہی۔ نمو بھارت کوریڈور نے دہلی، غازی آباد اور میرٹھ کے درمیان رابطے کو بہتر بنایا ہے۔

تیز رفتار سفر، ایئر کنڈیشنڈ کوچز، قابل اعتماد ٹرین خدمات اور انٹرچینج کی سہولتوں کے علاوہ اسے دہلی میٹرو، ہندوستانی ریلوے، بین ریاستی بس ٹرمینلز اور شہری بس خدمات سمیت پبلک ٹرانسپورٹ کے دیگر ذرائع سے بھی مربوط کیا گیا ہے۔ میرٹھ میٹرو بھی نمو بھارت کے ساتھ مربوط ہے اور اسی بنیادی ڈھانچے پر چلائی جارہی ہے۔ وزیر اعظم نے اس کوریڈور کو بہتر حکمرانی کی ایک مثال قرار دیتے ہوئے منصوبے کو مقررہ مدت میں مکمل کرنے، 160 کلومیٹر فی گھنٹہ کی آپریشنل رفتار اور 99 فیصد سے زیادہ وقت کی پابندی کے ریکارڈ کو سراہا ہے۔ مسافروں کے بڑھتے اعتماد اور آپریشنل نظم و ضبط کو بھونیشور میں منعقدہ اربن موبیلٹی انڈیا (یو ایم آئی) کانفرنس اینڈ ایکسپو 2026 میں بھی باقاعدہ طور پر تسلیم کیا گیا۔

تقریب کے دوران شہری ترقی اور بجلی کے مرکزی وزیر منوہر لال نے دہلی-میرٹھ نمو بھارت کوریڈور کے لیے نیشنل کیپیٹل ریجن ٹرانسپورٹ کارپوریشن (این سی آر ٹی سی) کو ’’بہترین مسافر خدمات اور اطمینان‘‘ کا ایوارڈ دیا۔ سرکاری بیان کے مطابق یہ ایوارڈ کوریڈور کی آپریشنل کارکردگی اور مسافروں کو فراہم کی جانے والی خدمات کے اعتراف میں دیا گیا۔ 5 کروڑ مسافر سفروں کا یہ سنگ میل اس علاقائی ٹرانسپورٹ نظام کی بڑھتی ہوئی مقبولیت کی عکاسی کرتا ہے، جو خطے میں کام کی جگہوں، تعلیمی اداروں اور اقتصادی مراکز کو آپس میں جوڑتا ہے۔ کوریڈور کے مختلف مرحلوں میں آغاز کے بارے میں بیان میں بتایا گیا کہ صاحب آباد-دوہائی ڈپو کا 17 کلومیٹر حصہ 21 اکتوبر 2023 کو شروع کیا گیا تھا۔

اس کے بعد دوہائی ڈپو-مودی نگر نارتھ کا 17 کلومیٹر حصہ 6 مارچ 2024 کو اور مودی نگر نارتھ-میرٹھ ساؤتھ کا 8 کلومیٹر حصہ 18 اگست 2024 کو شروع کیا گیا۔ صاحب آباد-آنند وہار کا 13 کلومیٹر حصہ 5 جنوری 2025 کو عوام کے لیے کھولا گیا۔ 22 فروری 2026 کو سرائے کالے خان-نیو اشوک نگر اور میرٹھ ساؤتھ-مودی پورم کے حصے بھی شروع کردیے گئے۔ اسی روز میرٹھ ساؤتھ سے مودی پورم کے درمیان میرٹھ میٹرو خدمات بھی شروع ہوئیں۔ سرکاری بیان کے مطابق آخری مرحلے میں کوریڈور کے 26 کلومیٹر حصے کو آپریشنل کیا گیا۔ کوریڈور نے 16 مئی 2025 کو 574 دن میں اپنا پہلا 1 کروڑ مسافر سفر مکمل کیا تھا۔

اس کے بعد 11 دسمبر 2025 کو 211 دن میں 2 کروڑ، 2 مئی 2026 کو 143 دن میں 3 کروڑ اور 10 اگست 2026 کو 101 دن میں 4 کروڑ مسافر سفروں کا سنگ میل عبور کیا گیا۔ اب 10 نومبر 2026 کو صرف 93 دن میں مزید 1 کروڑ مسافر سفر مکمل کرتے ہوئے مجموعی تعداد 5 کروڑ تک پہنچ گئی ہے۔