نئی دہلی: دہلی ہائی کورٹ اور اس کے ماتحت عدالتیں چھٹھ پوجا کے موقع پر 16 نومبر 2026 کو بند رہیں گی۔ ہائی کورٹ نے بدھ کو جاری کردہ نوٹیفکیشن میں پیر، 16 نومبر کو ہائی کورٹ اور اس کے ماتحت عدالتوں کے لیے تعطیل کا اعلان کیا ہے۔

نوٹیفکیشن کے مطابق تعطیل کے بدلے 21 نومبر 2026، یعنی تیسرے ہفتے کے روز، ہائی کورٹ میں عدالتی کام ہوگا۔ اس کے علاوہ 12 دسمبر 2026، جو دوسرا ہفتہ ہوگا، کو بھی ہائی کورٹ کے ماتحت عدالتوں کے لیے عدالتی کام کا دن قرار دیا گیا ہے۔ 16 نومبر کو دہلی ہائی کورٹ اور ماتحت عدالتوں میں جن مقدمات کی سماعت مقرر تھی، انہیں اب 17 نومبر، منگل کو پہلے سے مقرر مقدمات کے ساتھ سماعت کے لیے پیش کیا جائے گا۔

اس فیصلے پر ردعمل ظاہر کرتے ہوئے دہلی کے کابینی وزیر کپل مشرا نے ایک پوسٹ میں کہا کہ اب چھٹھ پوجا کے موقع پر 16 نومبر کو دہلی ہائی کورٹ اور متعلقہ عدالتوں میں بھی تعطیل ہوگی۔ کپل مشرا نے کہا، ’’چھٹھی مائی کی جے۔‘‘ یہ نوٹیفکیشن عدالت کے حکم پر رجسٹرار جنرل ریتش سنگھ نے جاری کیا ہے۔