نئی دہلی
تیل کی قیمتوں میں نرمی اور عالمی بازاروں میں تیزی کے درمیان جمعہ کو گھریلو شیئر بازاروں میں ابتدائی کاروبار کے دوران مثبت رجحان دیکھنے میں آیا۔امریکہ اور ایران کے درمیان جاری امن مذاکرات میں پیش رفت کی امیدوں نے بھی سرمایہ کاروں کے اعتماد کو تقویت دی ہے۔
بی ایس ای سینسیکس ابتدائی کاروبار میں 332.39 پوائنٹس کے اضافے کے ساتھ 75,507.09 پوائنٹس تک پہنچ گیا، جبکہ این ایس ای نفٹی 84.60 پوائنٹس کی بڑھت کے ساتھ 23,747.40 پوائنٹس پر جا پہنچا۔
سینسیکس میں شامل 30 کمپنیوں میں سے آئی سی آئی سی آئی بینک، ایشین پینٹس، ایچ ڈی ایف سی بینک، کوٹک مہندرا بینک، ایکسس بینک اور الٹرا ٹیک سیمنٹ کے حصص میں اضافہ درج کیا گیا۔ دوسری جانب پاور گرڈ، ٹیک مہندرا، ٹاٹا کنسلٹنسی سروسز (ٹی سی ایس) اور آئی ٹی سی کے شیئرز میں کمی دیکھی گئی۔
ایشیائی بازاروں میں جنوبی کوریا کا کوسپی، جاپان کا نکی 225، چین کا ایس ایس ای کمپوزٹ اور ہانگ کانگ کا ہینگ سینگ بھی سبز نشان میں رہے۔امریکی بازار جمعرات کو بڑھت کے ساتھ بند ہوئے تھے۔
بین الاقوامی معیار کے برینٹ کروڈ کی قیمت 1.59 فیصد اضافے کے ساتھ 104.21 ڈالر فی بیرل تک پہنچ گئی۔شیئر بازار کے اعداد و شمار کے مطابق، غیر ملکی ادارہ جاتی سرمایہ کار (ایف آئی آئی) جمعرات کو خالص فروخت کنندہ رہے اور انہوں نے 1,891.21 کروڑ روپے مالیت کے حصص فروخت کیے۔
واضح رہے کہ جمعرات کو سینسیکس 135.03 پوائنٹس اور نفٹی 4.30 پوائنٹس کی گراوٹ کے ساتھ بند ہوئے تھے۔
