نئی دہلی

عالمی بازاروں میں مثبت رجحان کے مطابق، گھریلو شیئر بازاروں میں بدھ کے روز ابتدائی کاروبار کے دوران تیزی دیکھی گئی، جس کے ساتھ ہی گزشتہ دو تجارتی سیشنوں سے جاری گراوٹ کا سلسلہ رک گیا۔

بی ایس ای سینسیکس ابتدائی کاروبار میں 182.42 پوائنٹس کے اضافے کے ساتھ 76,661.36 پوائنٹس پر پہنچ گیا، جبکہ این ایس ای نفٹی 49.90 پوائنٹس کی بڑھت کے ساتھ 23,916.85 پوائنٹس پر ٹریڈ کرتا رہا۔سینسیکس میں شامل 30 کمپنیوں میں سے ایٹرنل، مہندرا اینڈ مہندرا، ماروتی سوزوکی انڈیا، ٹائٹن، ہندوستان یونیلور، الٹرا ٹیک سیمنٹ، اڈانی پورٹس اور ایشین پینٹس کے حصص میں سب سے زیادہ اضافہ دیکھا گیا۔ دوسری جانب، بجاج فنسرو، ٹیک مہندرا، لارسن اینڈ ٹوبرو اور این ٹی پی سی کے حصص میں کمی درج کی گئی۔

ایشیائی بازاروں میں جاپان کے نکئی 225 اور چین کے شنگھائی ایس ایس ای کمپوزٹ میں اضافہ دیکھا گیا، جبکہ جنوبی کوریا کے کوسپی انڈیکس میں گراوٹ رہی۔ ہانگ کانگ کا بازار بند رہا۔

امریکی شیئر بازار منگل کے روز اضافے کے ساتھ بند ہوئے تھے۔بین الاقوامی معیار کے برینٹ کروڈ کی قیمت 0.40 فیصد اضافے کے ساتھ تقریباً 73.24 امریکی ڈالر فی بیرل رہی۔

شیئر بازار کے اعداد و شمار کے مطابق، غیر ملکی ادارہ جاتی سرمایہ کار (ایف آئی آئی) منگل کے روز خالص فروخت کنندہ رہے اور انہوں نے 2,556.75 کروڑ روپے مالیت کے حصص فروخت کیے۔