نئی دہلی: دہلی میں پیر کو کم سے کم درجہ حرارت 27 ڈگری سیلسیس ریکارڈ کیا گیا، جو معمول سے 1.9 ڈگری زیادہ ہے۔ محکمہ موسمیات کے مطابق یہ درجہ حرارت شہر کے اہم موسمی مرکز صفدرجنگ میں ریکارڈ کیا گیا۔ محکمہ موسمیات کے مطابق پالم میں کم سے کم درجہ حرارت 24.8 ڈگری، لودھی روڈ پر 26.7 ڈگری، رج پر 22.5 ڈگری اور آیا نگر میں 24.6 ڈگری سیلسیس ریکارڈ کیا گیا۔

محکمہ موسمیات کے اعداد و شمار کے مطابق پیر کی صبح 8:30 بجے ختم ہونے والے گزشتہ 24 گھنٹوں کے دوران ان موسمی مراکز پر بارش ریکارڈ نہیں کی گئی۔ دہلی کی ہوا کا معیار پیر کو ’’اطمینان بخش‘‘ زمرے میں رہا۔ مرکزی آلودگی کنٹرول بورڈ کے اعداد و شمار کے مطابق شہر کا اوسط ایئر کوالٹی انڈیکس (اے کیو آئی) 72 ریکارڈ کیا گیا۔

مرکزی آلودگی کنٹرول بورڈ کے مطابق 0 سے 50 کے درمیان اے کیو آئی کو ’’اچھا‘‘، 51 سے 100 کو ’’اطمینان بخش‘‘، 101 سے 200 کو ’’درمیانہ‘‘، 201 سے 300 کو ’’خراب‘‘، 301 سے 400 کو ’’بہت خراب‘‘ اور 401 سے 500 کو ’’شدید‘‘ قرار دیا جاتا ہے۔ محکمہ موسمیات نے پیر کو دہلی میں مطلع ابر آلود رہنے اور ہلکی بارش کی پیش گوئی کی ہے۔ زیادہ سے زیادہ درجہ حرارت 33 ڈگری سیلسیس کے آس پاس رہنے کا امکان ہے۔